ଭୁବନେଶ୍ୱର, ୧୬ ଜୁନ୍ ୨୦୨୬
ମୌସୁମୀ ଋତୁରେ ଟ୍ରେନ୍ ଚଳାଚଳକୁ ଅଧିକ ନିରାପଦ ଓ ନିର୍ଭରଯୋଗ୍ୟ କରିବା ପାଇଁ, ପୂର୍ବତଟ ରେଳପଥ ପକ୍ଷରୁ କୋଟ୍ଟାଭାଲାସା-କିରଣ୍ଡୁଲ , କୋରାପୁଟ-ରାୟଗଡ଼ା ଏବଂ ରାୟଗଡ଼ା-ବିଜୟନଗରମ୍ ରେଳପଥର ସମ୍ବେଦନଶୀଳ କଟିଂ (ପାହାଡ଼ କଟା ଅଞ୍ଚଳ) ଓ ଟନେଲ୍ ଗୁଡ଼ିକରେ ସୁରକ୍ଷା ଓ ସୁଦୃଢ଼ୀକରଣ କାର୍ଯ୍ୟକୁ ତ୍ୱରାନ୍ୱିତ କରାଯାଇଛି।
ପଥର ଖସିବା, ମୃତ୍ତିକା କ୍ଷୟ ଏବଂ ପ୍ରତିକୂଳ ପାଣିପାଗ ପରିସ୍ଥିତିର ଆଶଙ୍କା ଥିବା ସଂବେଦନଶୀଳ ଘାଟି ଅଞ୍ଚଳରେ ଏହି କାର୍ଯ୍ୟ ଗୁଡ଼ିକ କରାଯାଉଛି। ଭିତ୍ତିଭୂମି ସୁରକ୍ଷା ଏବଂ ପରିଚାଳନାଗତ ବିଶ୍ୱସନୀୟତା ବୃଦ୍ଧି କରିବା ପାଇଁ ପ୍ରାଥମିକତା ଭିତ୍ତିରେ ଆଧୁନିକ ଢାଲ ସ୍ଥିରୀକରଣ ବ୍ୟବସ୍ଥା ଯେପରିକି ରକ୍ ଫଲ୍ ବ୍ୟାରିୟର୍ସ (Rock Fall Barriers), ରକ୍ ବୋଲ୍ଟିଂ (Rock Bolting), ୱାୟାର୍ ମେସ୍ ନେଟିଂ (Wire Mesh Netting), ଜିଓମ୍ୟାଟ୍ ଲେଇଙ୍ଗ୍ (Geomat Laying) ଏବଂ ସୁଡ଼ଙ୍ଗ ସୁଦୃଢ଼ୀକରଣ କାର୍ଯ୍ୟକାରୀ କରାଯାଉଛି।
କେକେ -୧ ସେକ୍ସନରେ ପ୍ରମୁଖ ଅଗ୍ରଗତି
କେକେ -୧ ସେକ୍ସନରେ ଉଲ୍ଲେଖନୀୟ ଅଗ୍ରଗତି ହାସଲ କରାଯାଇଛି। ସର୍ବମୋଟ ୯୧୦ ମିଟରର ରକ୍ ଫଲ୍ ବ୍ୟାରିୟର୍ (Rock Fall Barrier) କାର୍ଯ୍ୟ ସମ୍ପୂର୍ଣ୍ଣ ହୋଇଛି। ଏହା ସହିତ, ୨୯,୭୭୬ ବର୍ଗ ମିଟରର ୱାୟାର୍ ମେସ୍ ନେଟିଂ (Wire Mesh Netting) ଏବଂ ୨୨,୧୯୭ ମିଟରର ରକ୍ ବୋଲ୍ଟିଂ (Rock Bolting) କାର୍ଯ୍ୟ ଶେଷ ହୋଇଛି।
ଏହି ଉଦ୍ଦେଶ୍ୟରେ ବ୍ୟାପକ କ୍ଷେତ୍ରସ୍ତରୀୟ କାର୍ଯ୍ୟକଳାପ ମଧ୍ୟ ହାତକୁ ନିଆଯାଇଥିଲା, ଯେଉଁଥିରେ ସ୍ଥିରୀକରଣ କାର୍ଯ୍ୟ ପାଇଁ ୩୪୬ଟି ଗାତ ଖନନ (drilling) ଏବଂ ୪୦ଟି ଗାତର ଗ୍ରାଉଟିଂ (grouting) ସାମିଲ ରହିଛି। ଏହା ବ୍ୟତୀତ, ଅତିରିକ୍ତ ଢାଲ ସୁରକ୍ଷା ପାଇଁ ସଂବେଦନଶୀଳ ସ୍ଥାନଗୁଡ଼ିକରେ ୩୦୦ ବର୍ଗ ମିଟରର ରୋମ୍ବୋଇଡାଲ୍ ମେସ୍ (Rhomboidal Mesh) ଏବଂ ୭୩୦ ବର୍ଗ ମିଟରର ମୋନୋ ଓରିଏଣ୍ଟେଡ୍ ମେସ୍ (Mono oriented Mesh) ବିଛାଯାଇଛି।
କେକେ-୨ ସେକ୍ସନରେ ସୁରକ୍ଷା କାର୍ଯ୍ୟ
କେକେ-୨ ସେକ୍ସନରେ, ଧାର୍ଯ୍ୟ କରାଯାଇଥିବା ସମ୍ପୂର୍ଣ୍ଣ ୧୨୦ ମିଟରର ରକ୍ ଫଲ୍ ବ୍ୟାରିୟର୍ କାର୍ଯ୍ୟ ସମ୍ପୂର୍ଣ ରୂପେ ଶେଷ ହୋଇଛି। ଏହା ବ୍ୟତୀତ, ୪,୨୦୦ ବର୍ଗ ମିଟରର ୱାୟାର୍ ମେସ୍ ନେଟିଂ କାର୍ଯ୍ୟ କରାଯାଇଛି, ଯାହା ଏହି ସେକ୍ସନର ସଂବେଦନଶୀଳ ପାହାଡ଼ କଟିଂ ଗୁଡ଼ିକୁ ସୁଦୃଢ଼ କରିବା ସହ ଉଲ୍ଲେଖନୀୟ ଅଗ୍ରଗତି ହୋଇପାରିଛି।
କୋରାପୁଟ-ରାୟଗଡ଼ା (KR) ସେକ୍ସନରେ ନିରନ୍ତର ଅଗ୍ରଗତି
କୋରାପୁଟ-ରାୟଗଡ଼ା (KR) ସେକ୍ସନରେ ମଧ୍ୟ ସୁରକ୍ଷା କାର୍ଯ୍ୟ ସୁରୁଖୁରୁରେ ଆଗେଇ ଚାଲିଛି। ଏପର୍ଯ୍ୟନ୍ତ, ସମ୍ପୂର୍ଣ୍ଣ ୩୦୦ ମିଟରର ରକ୍ ଫଲ୍ ବ୍ୟାରିୟର୍ କାର୍ଯ୍ୟ ଏବଂ ୧,୬୦୦ ମିଟରର ରକ୍ ବୋଲ୍ଟିଂ କାର୍ଯ୍ୟ ସମାପ୍ତ ହୋଇଛି, ଯାହା ଉଭୟ ବର୍ଗରେ ୧୦୦% ସଫଳତା ସୂଚାଉଛି। ଏହା ସହିତ, ୧୦,୦୦୦ ବର୍ଗ ମିଟରର ୱାୟାର୍ ମେସ୍ ନେଟିଂ କାର୍ଯ୍ୟ ସମ୍ପୂର୍ଣ୍ଣ ହୋଇଛି।
ଏହି ପ୍ରତିଷେଧକ ବ୍ୟବସ୍ଥାଗୁଡ଼ିକର ଉଦ୍ଦେଶ୍ୟ ହେଉଛି ଢିଲା ପଥର ଖସିବାର ବିପଦକୁ ହ୍ରାସ କରିବା, ଢାଲର ସ୍ଥିରତା ବଢ଼ାଇବା ଏବଂ ଚ୍ୟାଲେଞ୍ଜପୂର୍ଣ୍ଣ ଘାଟି ଅଞ୍ଚଳ ଦେଇ ବିନା ବାଧାରେ ଟ୍ରେନ୍ ଚଳାଚଳ ସୁନିଶ୍ଚିତ କରିବା।
ରାୟଗଡ଼ା-ବିଜୟନଗରମ୍ ସେକ୍ସନରେ ସୁରକ୍ଷା କାର୍ଯ୍ୟ
ରାୟଗଡ଼ା-ବିଜୟନଗରମ୍ (RV) ସେକ୍ସନରେ, ଲାଞ୍ଜିଗଡ଼ ରୋଡ୍ ଏବଂ ରାୟଗଡ଼ା ମଧ୍ୟରେ ଥିବା ସଂବେଦନଶୀଳ କଟିଂ ଗୁଡ଼ିକରେ ସୁରକ୍ଷା କାର୍ଯ୍ୟ ପ୍ରାଥମିକତା ଭିତ୍ତିରେ ଚାଲିଛି ଏବଂ ଏହାକୁ ୩୦ ଜୁନ୍ ୨୦୨୬ ସୁଦ୍ଧା ସମ୍ପୂର୍ଣ୍ଣ କରିବାକୁ ଲକ୍ଷ୍ୟ ରଖାଯାଇଛି।
କୋରାପୁଟ-ରାୟଗଡ଼ା ସେକ୍ସନରେ ସୁଡ଼ଙ୍ଗ ସୁଦୃଢ଼ୀକରଣ କାର୍ଯ୍ୟ
କୋରାପୁଟ-ରାୟଗଡ଼ା ସେକ୍ସନ ଅଧୀନରେ ଥିବା ସୁଡ଼ଙ୍ଗ ଗୁଡ଼ିକର ସୁରକ୍ଷା ବୃଦ୍ଧି ପାଇଁ, ତିନୋଟି ସୁଡ଼ଙ୍ଗର ସୁଦୃଢ଼ୀକରଣ ଟେଣ୍ଡର ଆଲର୍ଟ (ପ୍ରଦାନ) କରାଯାଇସାରିଛି। ଟ୍ରାଫିକ୍ ଏବଂ ପାୱାର୍ ବ୍ଲକ୍ ଆବଶ୍ୟକତା ଚୂଡ଼ାନ୍ତ ହୋଇଛି ଏବଂ ଡିଭିଜନ ଏହି କାର୍ଯ୍ୟ ଆରମ୍ଭ କରିବା ପାଇଁ ଆବଶ୍ୟକୀୟ ପ୍ରସ୍ତୁତି କରୁଛି।
ଦୀର୍ଘକାଳୀନ ସୁରକ୍ଷା ପାଇଁ ଭୂତାତ୍ତ୍ୱିକ ଏବଂ ଭୂ-ପଦାର୍ଥ ବିଜ୍ଞାନ ଅଧ୍ୟୟନ
ସ୍ଥାୟୀ ଦୀର୍ଘକାଳୀନ ପ୍ରତିକାର ବ୍ୟବସ୍ଥା ଚିହ୍ନଟ କରିବା ଏବଂ ସଂବେଦନଶୀଳ ସ୍ଥାନଗୁଡ଼ିକରେ ସୁରକ୍ଷାକୁ ଆହୁରି ସୁଦୃଢ଼ କରିବା ପାଇଁ, କେକେ (KK) ଏବଂ କେଆର ( KR) ସେକ୍ସନର ଅନ୍ୟାନ୍ୟ ସଂବେଦନଶୀଳ କଟିଂ ଗୁଡ଼ିକରେ ଭୂତାତ୍ତ୍ୱିକ ସର୍ଭେ (geological survey) ଆରମ୍ଭ ହୋଇସାରିଛି।
ପୂର୍ବ ତଟ ରେଳପଥ ଏହାର ଗୁରୁତ୍ୱପୂର୍ଣ୍ଣ ଘାଟ ସେକ୍ସନ ଗୁଡ଼ିକରେ ଯାତ୍ରୀବାହୀ ଏବଂ ମାଲବାହୀ ଉଭୟ ଟ୍ରେନ୍ ସେବା ପାଇଁ ସୁରକ୍ଷିତ, ସୁଗମ ଏବଂ ନିରବଚ୍ଛିନ୍ନ ଟ୍ରେନ୍ ଚଳାଚଳ ସୁନିଶ୍ଚିତ କରିବାକୁ ଭିତ୍ତିଭୂମି ସୁରକ୍ଷା, ଆଧୁନିକୀକରଣ ଏବଂ ବିପର୍ଯ୍ୟୟ ମୁକାବିଲା ପ୍ରସ୍ତୁତିକୁ ସର୍ବୋଚ୍ଚ ପ୍ରାଥମିକତା ଦେବା ଜାରି ରଖିଛି।
About the Author
