ଅନୁଗୁଳ : ମାଲ୍ୟଗିରି ପାହାଡ଼ରେ ଫସିଲେ ୩ ଯୁବକ , ଉଦ୍ଧାର ପାଇଁ ଅଗ୍ନିଶମ ବାହିନୀର ଅପରେସନ ଜାରି । ଅନୁଗୋଳ ପାଲଲହଡ଼ା ମାଲ୍ୟଗିରି ପାହାଡ଼ରେ ଫସିଛନ୍ତି ତିନିଜଣ ଯୁବକ । ପ୍ରାୟ ୩ହଜାର ୯୯୬ ଫୁଟ ଉପରେ ଫସିଛନ୍ତି ।
ଗତକାଲି ୭ ଜଣ ଯୁବକ ମିଶି ମାଲ୍ୟଗିରି ପାହାଡ଼କୁ ବୁଲିବାକୁ ଯାଇଥିଲେ । ଟିମର ଚାରି ଜଣ ସଦସ୍ୟ ପାହାଡ଼ ତଳକୁ ଓହ୍ଲାଇ ସୁରକ୍ଷିତ ଭାବରେ ଫେରି ଆସିଥିଲେ କିନ୍ତୁ ଅନ୍ୟ ତିନି ଜଣ ଫସି ଯାଇଥିଲେ। ଖବର ପାଇ ଅଗ୍ନିଶମ ଏବଂ ଜରୁରୀକାଳୀନ ସେବା କର୍ମଚାରୀମାନେ ଏକ ଉଦ୍ଧାର କାର୍ଯ୍ୟ ଆରମ୍ଭ କରିଥିଲେ । ତଥାପି ଦୁର୍ଗମ ପାହାଡ଼, ଘଞ୍ଚ ଜଙ୍ଗଲ ଏବଂ ଖରାପ ପାଗ ଯୋଗୁଁ ଉଦ୍ଧାର କାର୍ଯ୍ୟ ବାଧାପ୍ରାପ୍ତ ହେଉଛି ।
ପ୍ରତିକୂଳ ପରିସ୍ଥିତି ସତ୍ତ୍ୱେ ଅଗ୍ନିଶମ ଏବଂ ଉଦ୍ଧାର କର୍ମଚାରୀମାନେ ଫସି ରହିଥିବା ଟ୍ରେକରମାନଙ୍କ ପାଖରେ ପହଞ୍ଚିବା ପାଇଁ ପ୍ରୟାସ ଜାରି ରଖିଛନ୍ତି । ଯୁବକମାନଙ୍କୁ ଖୁବ୍ ଶୀଘ୍ର ଉଦ୍ଧାର କରାଯିବ ଏବଂ ଟ୍ରେକର ଏବଂ ପର୍ଯ୍ୟଟକମାନଙ୍କୁ ପାହାଡିଆ ଏବଂ ଜଙ୍ଗଲିଆ ଅଞ୍ଚଳକୁ ଯିବା ପୂର୍ବରୁ ସତର୍କତା ଅବଲମ୍ବନ କରିବାକୁ ଅନୁରୋଧ କରିଛନ୍ତି । ବିଶେଷକରି ବର୍ଷା ଋତୁରେ ଯେତେବେଳେ ପାଣିପାଗ ଦ୍ରୁତ ଗତିରେ ପରିବର୍ତ୍ତନ ହୋଇପାରେ ।
About the Author
