ବାଲେଶ୍ୱର ସଦର ନିର୍ବାଚନମଣ୍ଡଳୀର ସାର୍ଥା ପଂଚାୟତରେ ଅନୁଷ୍ଠିତ ହେଲା ବିଶାଳ ‘ତିରଙ୍ଗା ଯାତ୍ରା’, ସ୍ୱାଧୀନତା ଦିବସ ପାଳନ ଅବସରରେ ହର ଘର ତ୍ରିରଙ୍ଗା ଅଭିଯାନ ଉପରେ ଗୁରୁତ୍ୱ ଦେଲେ ସଦର ବିଧାୟକ ମାନସ ଦତ୍ତ ;

ପବିତ୍ର ସ୍ୱାଧୀନତା ଦିବସ ପାଳନ ଉପଲକ୍ଷେ ବାଲେଶ୍ୱର ସଦର ନିର୍ବାଚନମଣ୍ଡଳୀ ଅନ୍ତର୍ଗତ ସାର୍ଥା ପଂଚାୟତରେ ବିଜେପିର ପଂଚୁପଡା ମଣ୍ଡଳ ପକ୍ଷରୁ ବିଶାଳ ‘ତିରଙ୍ଗା ଯାତ୍ରା’ ଅନୁଷ୍ଠିତ ହୋଇଯାଇଛି । ଏଥିରେ ସଦର ବିଧାୟକ ମାନସ କୁମାର ଦତ୍ତ ଯୋଗଦେଇ ଦେଶର ଯଶଶ୍ୱୀ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ଆହ୍ୱାନ କ୍ରମେ ପାଳିତ ହେଉଥିବା ତ୍ରିରଙ୍ଗାଯାତ୍ରା ସହିତ ହର ଘର ତ୍ରିରଙ୍ଗା ଅଭିଯାନର ମହତ୍ୱ ସମ୍ପର୍କରେ ଆଲୋଚନା କରିଥିଲେ । ଅନ୍ୟ ବର୍ଷ ଅପେକ୍ଷା ଚଳିତ ବର୍ଷ ତ୍ରିରଙ୍ଗା ଯାତ୍ରାର ଗୁରୁତ୍ୱ ଅଧିକ । ପ୍ରଧାନମନ୍ତ୍ରୀ ମୋଦିଙ୍କ ଦୃଢ଼ ଇଚ୍ଛାଶକ୍ତି ଏବଂ ନିର୍ଣ୍ଣାୟକ ନେତୃତ୍ୱ, ସେନାର ବୀରତ୍ୱ ଏବଂ ଦେଶବାସୀଙ୍କ ଏକତାର ସଂକଳ୍ପ ସହିତ, ‘ଅପରେସନ ସିନ୍ଦୁର’ ସମ୍ପୂର୍ଣ୍ଣ ସଫଳ ହୋଇଛି । ଏକ ନୂତନ ସମୃଦ୍ଧ, ଶକ୍ତିଶାଳୀ ଏବଂ ସ୍ୱାବଲମ୍ବୀ ଭାରତ ଗଠନ ପାଇଁ ପ୍ରଧାନମନ୍ତ୍ରୀ ମୋଦିଙ୍କ ନେତୃତ୍ୱ ପାଇଁ ଦେଶବାସୀ ଆଜି ଗର୍ବିତ ବୋଲି ଶ୍ରୀ ଦତ୍ତ କହିଥିଲେ । ‘ହର ଘର ତିରଙ୍ଗା’ ଅଭିଯାନ ପାଇଁ ସମସ୍ତଙ୍କ ଉତ୍ସାହ ଉଚ୍ଚରେ ରହିଥାଏ, ଗରିବ କି ଧନୀ, ଛୋଟ ଅଥବା ବଡ଼ ଘର, ସମସ୍ତେ ତ୍ରିରଙ୍ଗା ଉତ୍ତୋଳନ ପୂର୍ବକ ଗର୍ବ ଅନୁଭବ କରନ୍ତି । ତ୍ରିରଙ୍ଗାକୁ ନେଇ ଆନନ୍ଦ ଓ ଉତ୍ସାହ ଆମକୁ ପରସ୍ପର ସହିତ ଯୋଡିଥାଏ ବୋଲି ବିଧାୟକ ଶ୍ରୀ ଦତ୍ତ ଏହି ଅବସରରେ କହିଥିଲେ । ତେବେ ଦେଶର ୭୯ତମ ସ୍ୱାଧୀନତା ଦିବସକୁ ଅଧିକ ଆକର୍ଷଣୀୟ ଭାବେ ପାଳନ ପାଇଁ ଅଗଷ୍ଟ ୧୩ ରୁ ୧୫ ତାରିଖ ପର୍ଯ୍ୟନ୍ତ ପ୍ରତ୍ୟେକ ଘରେ ତ୍ରିରଙ୍ଗା ପତାକା ଉତୋଳନ କରିବାକୁ ସେ ଆହ୍ୱାନ ଦେଇଥିଲେ । ସାର୍ଥା ପଂଚାୟତର ଓଡଶାଳ ଛକ ଠାରୁ ଆରମ୍ଭ ହୋଇ ଏହି ତ୍ରିରଙ୍ଗା ଯାତ୍ରା ସାର୍ଥା ହାଟ ପର୍ଯ୍ୟନ୍ତ ଯାଇଥିଲା । ହଜାର ହଜାର ରାଷ୍ଟ୍ରପ୍ରେମୀ ଜନତା ୩୦୦ ଫୁଟର ବିଶାଳା ତ୍ରିରଙ୍ଗା ପତାକା ଧରି ଏହି ଶୋଭାଯାତ୍ରାରେ ସାମିଲ ହୋଇଥିଲେ । ଲୋକନାଥ ଭୂୟାଁ, ଅରବିନ୍ଦ ଜେନା, ଭୂଦେବ ସାହୁ, ତରୁଣ ଦୁଆରୀ, ନିଶ୍ଚିନ୍ତ ବେହେରା, ଝାଡେଶ୍ୱର ସେଠି, ଭାଗ୍ୟଧର ଦାସ, ବିନାୟକ ଦାସ, ନିତ୍ୟାନନ୍ଦ ମଲ୍ଲିକ, ଗୌରହରି ଜେନା, ମୁକୁନ୍ଦ ଆଦିକ, ମନ୍ମଥ ବେହେରା, ବିଜୟ ଦାସ, ମଞ୍ଜୁଶ୍ରୀ ଗାୟନ, ବିଷ୍ଣୁ ଧିଣ୍ଡା, ମନୋରଞ୍ଜନ ମୂଳା, ବରେନ୍ଦ୍ର ପାଣି, ହରିଶ୍ଚନ୍ଦ୍ର ପ୍ରଧାନ, ଦେବେନ୍ଦ୍ର ମଣ୍ଡଳ, ଚନ୍ଦ୍ରକାନ୍ତ ମଲ୍ଲିକ, ଲିପୁନ ମହାକୁଡ଼, ବେଣୁଧର ବେହେରା, ଚିତ୍ତରଞ୍ଜନ ଦାସ, ଚନ୍ଦନ ନାୟକ, ସନାତନ ସେଠି, ପ୍ରଦୀପ ନାୟକ, ରାମଚନ୍ଦ୍ର ମାଝୀ ପ୍ରମୁଖ ସମସ୍ତ କାର୍ଯ୍ୟ ପରିଚାଳନାରେ ସକ୍ରିୟ ସହଯୋଗ କରିଥିଲେ ।