ସ୍କୁଲ ଓ ଅଙ୍ଗନୱାଡିରୁ ଚୋରୀ ଘଟଣାରେ ୨ ଗିରଫ୍
[19:51, 7/31/2025] N Chaitanya Balasore: ତିହିଡି, ୩୧.୦୭ : ଭଦ୍ରକ ଜିଲ୍ଲା ତିହିଡି ଥାନା ନୂଆନନ୍ଦ ପଞ୍ଚାୟତ ଅଧିନ ହାଟୁଆରୀ ଗାଁର ସ୍କୁଲ ଓ ଅଙ୍ଗନୱାଡିରୁ ଚୋରୀ ଘଟଣାରେ ପୋଲିସ ୨ ଜଣଙ୍କୁ ଗିରଫ୍ କରିଥିବା ବେଳେ କେତେକ ସାମଗ୍ରୀ ଜବତ୍ କରିଥିବା ଜଣାଯାଇଛି । ଗିରଫ୍ ଅଭିଯୁକ୍ତ ସାବରଙ୍ଗ ଥାନାଧିନ ଗୋରାମାଟି ଗାଁର କୃଷ୍ଣଚନ୍ଦ୍ର ମଳିକ ଓ ସୁରେଶ ସେଠୀ ବୋଲି ଜଣାଯାଇଛି । ଉଭୟଙ୍କୁ ବୁଧବାର ଗିରଫ୍ କରାଯାଇଥିବା ବେଳେ ଗୁରୁବାର କୋର୍ଟ ଚାଲାଣ କରାଯାଇଛି । ଜବତ୍ ସାମଗ୍ରୀ ମଧ୍ୟରେ ଦୁଇଟି ଗ୍ୟାସ ସିଲିଣ୍ଡର ଓ ଗୋଟିଏ ଆକ୍ୱାଗାର୍ଡ ଥିବା ପୋଲିସ ସୂତ୍ରରୁ ସୂଚନା ମିଳିଛି । ସୂଚନା ଥାଉକି, ସଂପୃକ୍ତ ସ୍କୁଲ ଓ ଅଙ୍ଗନୱାଡିରୁ ଗତ ମଙ୍ଗଳବାର ଚୋରୀ ହୋଇଥିବା ଜଣା ପଡିଥିଲା । ଘଟଣାକୁ ନେଇ ଥାନାରେ ଅଭିଯୋଗ ହୋଇଥିଲା । ଏପରି ସମ୍ବେଦନଶୀଳ ଘଟଣାରେ ପୋଲିସ ଖୋଳତାଡ ଚଳାଇବା ସହିତ ଏପରି ପଦକ୍ଷେପ ନେଇଥିବା ଜଣା ଯାଇଛି ।
ତିହିଡିରୁ ସଞ୍ଜୟ ଦାସଙ୍କ ରିପୋର୍ଟ ।
[20:51, 7/31/2025] N Chaitanya Balasore: ମହାରାଷ୍ଟ୍ର, ମଧ୍ୟପ୍ରଦେଶ, ପଶ୍ଚିମବଙ୍ଗ, ବିହାର, ଓଡ଼ିଶା ଏବଂ ଝାଡ଼ଖଣ୍ଡର 13ଟି ଜିଲ୍ଲାକୁ ସଂଯୋଗ କରୁଥିବା 4ଟି ମଲ୍ଟିଟ୍ରାକିଂ ପ୍ରକଳ୍ପକୁ କେନ୍ଦ୍ର କ୍ୟାବିନେଟ ମଞ୍ଜୁରୀ ଦେଇଛି। ଏହା ଭାରତୀୟ ରେଳବାଇର ନେଟୱାର୍କକୁ ପ୍ରାୟ 574 କିଲୋମିଟର ବୃଦ୍ଧି କରିବ।
ଏହି ପ୍ରକଳ୍ପଗୁଡ଼ିକର ମୋଟ ଆନୁମାନିକ ମୂଲ୍ୟ ପ୍ରାୟ ₹11,169 କୋଟି ଟଙ୍କା ଏବଂ ଏହା 2028-29 ସୁଦ୍ଧା ସମ୍ପୂର୍ଣ୍ଣ ହେବ।
ଏହି ପ୍ରକଳ୍ପଗୁଡ଼ିକ ନିର୍ମାଣ ସମୟରେ ପ୍ରାୟ 229 ଲକ୍ଷ ମାନବ-ଦିବସ ପାଇଁ ପ୍ରତ୍ୟକ୍ଷ ନିଯୁକ୍ତି ମଧ୍ୟ ସୃଷ୍ଟି କରିବ।
ପ୍ରଧାନମନ୍ତ୍ରୀ ଶ୍ରୀ ନରେନ୍ଦ୍ର ମୋଦୀଙ୍କ ଅଧ୍ୟକ୍ଷତାରେ ଅନୁଷ୍ଠିତ ଅର୍ଥନୈତିକ ବ୍ୟାପାର କ୍ୟାବିନେଟ କମିଟି ରେଳ ମନ୍ତ୍ରଣାଳୟର 4ଟି ପ୍ରକଳ୍ପକୁ ଅନୁମୋଦନ କରିଛି ଯାହାର ମୋଟ ମୂଲ୍ୟ ପ୍ରାୟ ₹11,169 କୋଟି ଟଙ୍କା ।
ଏହି ପ୍ରକଳ୍ପଗୁଡ଼ିକ ମଧ୍ୟରେ ଅନ୍ତର୍ଭୁକ୍ତ:
(1) ଇଟାରସି – ନାଗପୁର ଚତୁର୍ଥ ଲାଇନ
(2) ଔରଙ୍ଗାବାଦ (ଛତ୍ରପତି ସମ୍ଭାଜିନଗର) – ପରଭଣୀ ଦୋହରୀକରଣ
(3) ଅଲୁଆବାଡୀ ରୋଡ଼ – ନିଉ ଜଲପାଇଗୁଡ଼ି ତୃତୀୟ ଏବଂ ଚତୁର୍ଥ ଲାଇନ
(4) ଡାଙ୍ଗୋଆପୋସି- ଜରୋଲି ତୃତୀୟ ଏବଂ ଚତୁର୍ଥ ଲାଇନ
ଏହି ବର୍ଦ୍ଧିତ ଲାଇନ କ୍ଷମତା ଗତିଶୀଳତାକୁ ଯଥେଷ୍ଟ ବୃଦ୍ଧି କରିବ, ଯାହା ଫଳରେ ଭାରତୀୟ ରେଳବାଇ ପାଇଁ କାର୍ଯ୍ୟକ୍ଷମ ଦକ୍ଷତା ଏବଂ ସେବା ନିର୍ଭରଯୋଗ୍ୟତା ଉନ୍ନତ ହେବ। ଏହି ମଲ୍ଟି-ଟ୍ରାକିଂ ପ୍ରସ୍ତାବଗୁଡ଼ିକ କାର୍ଯ୍ୟକୁ ସୁବ୍ୟବସ୍ଥିତ କରିବା ଏବଂ ଭିଡ଼ ହ୍ରାସ କରିବା ପାଇଁ ପ୍ରସ୍ତୁତ। ଏହି ପ୍ରକଳ୍ପଗୁଡ଼ିକ ପ୍ରଧାନମନ୍ତ୍ରୀ ଶ୍ରୀ ନରେନ୍ଦ୍ର ମୋଦୀଜୀଙ୍କ ନୂତନ ଭାରତର ସଂକଳ୍ପ ସହିତ ସମନ୍ୱିତ, ଯାହାଦ୍ୱାରା ଏହି ଅଞ୍ଚଳର ବ୍ୟାପକ ବିକାଶ ହେବା ସହିତ ଏହି ଅଞ୍ଚଳର ଲୋକମାନଙ୍କୁ “ଆତ୍ମନିର୍ଭର” କରିବ ଏବଂ ସେମାନଙ୍କର ନିଯୁକ୍ତି/ସ୍ୱରୋଜଗାର ସୁଯୋଗ ବୃଦ୍ଧି କରିବ।
ଏହି ପ୍ରକଳ୍ପଗୁଡ଼ିକ ପ୍ରଧାନମନ୍ତ୍ରୀ-ଗତି ଶକ୍ତି ଜାତୀୟ ମାଷ୍ଟର ପ୍ଲାନ ଉପରେ ଯୋଜନା କରାଯାଇଛି, ଯାହା ସମନ୍ୱିତ ଯୋଜନା ଏବଂ ଅଂଶୀଦାରମାନଙ୍କ ପରାମର୍ଶ ମାଧ୍ୟମରେ ବହୁ-ମୋଡାଲ ସଂଯୋଗୀକରଣ ଏବଂ ଲଜିଷ୍ଟିକ୍ ଦକ୍ଷତା ବୃଦ୍ଧି ଉପରେ ଧ୍ୟାନ ଦେଇ ଏହି ପ୍ରକଳ୍ପଗୁଡ଼ିକ ଲୋକ, ସାମଗ୍ରୀ ଏବଂ ସେବାର ପରିବହନ ପାଇଁ ସୁଗମ ସଂଯୋଗୀକରଣ ପ୍ରଦାନ କରିବ।
ମହାରାଷ୍ଟ୍ର, ମଧ୍ୟପ୍ରଦେଶ, ପଶ୍ଚିମବଙ୍ଗ, ବିହାର, ଓଡ଼ିଶା ଏବଂ ଝାଡ଼ଖଣ୍ଡ ରାଜ୍ୟର 13ଟି ଜିଲ୍ଲାକୁ ସଂଯୋଗ କରୁଥିବା 4 (ଚାରି) ପ୍ରକଳ୍ପ ଭାରତୀୟ ରେଳବାଇର ବିଦ୍ୟମାନ ନେଟୱାର୍କକୁ ପ୍ରାୟ 574 କିଲୋମିଟର ବୃଦ୍ଧି କରିବ।
ପ୍ରସ୍ତାବିତ ମଲ୍ଟି-ଟ୍ରାକିଂ ପ୍ରକଳ୍ପ ପ୍ରାୟ 43.60 ଲକ୍ଷ ଜନସଂଖ୍ୟା ବିଶିଷ୍ଟ ପ୍ରାୟ 2309 ଗ୍ରାମକୁ ସଂଯୋଗୀକରଣ ବୃଦ୍ଧି କରିବ।
ଏହି ମାର୍ଗ ଗୁଡିକ କୋଇଲା, ସିମେଣ୍ଟ, କ୍ଲିଙ୍କର୍, ଜିପସମ୍, ଫ୍ଲାଏ ଆଶ୍, କଣ୍ଟେନର, କୃଷି ସାମଗ୍ରୀ ଏବଂ ପେଟ୍ରୋଲିୟମ୍ ଉତ୍ପାଦ ଇତ୍ୟାଦି ଅତ୍ୟାବଶ୍ୟକ ସାମଗ୍ରୀ ଗୁଡିକର ପରିବହନ ପାଇଁ ଗୁରୁତ୍ୱପୂର୍ଣ I ଯାହାଫଳରେ ମାଲ ପରିବହନ କ୍ଷମତା 95.91 MTPA (ପ୍ରତିବର୍ଷ ନିୟୁତ ଟନ୍) ବଢିବ। ରେଳପଥ ପରିବେଶ ପାଇଁ ଅନୁକୂଳ ଏବଂ ପରିବହନର ଶକ୍ତି ସଂରକ୍ଷଣକାରୀ ମାଧ୍ୟମ ହୋଇଥିବାରୁ, ଏହା ଜଳବାୟୁ ଲକ୍ଷ୍ୟ ହାସଲ କରିବାରେ ଏବଂ ଦେଶର ଲଜିଷ୍ଟିକ୍ସ ଖର୍ଚ୍ଚକୁ ହ୍ରାସ କରିବାରେ ସାହାଯ୍ୟ କରିବ I ଏହି ପ୍ରକଳ୍ପ ଦ୍ୱାରା ଆମଦାନୀ ହେଉଥିବା ଆନୁମାନିକ 16 କୋଟି ଲିଟର ତୈଳ ହ୍ରାସ କରିବ ଏବଂ ଅଙ୍ଗାରକାମ୍ଳ ନିର୍ଗମନ 515 କୋଟି କିଲୋଗ୍ରାମ ହ୍ରାସ କରିବ, ଯାହା 20 କୋଟି ଗଛ ଲଗାଇବା ସହିତ ସମାନ।