ନୂଆଦିଲ୍ଲୀ : ଦିଲ୍ଲୀ ଏବଂ ଉତ୍ତର ପ୍ରଦେଶ ସମେତ ଦେଶର ଉତ୍ତର ରାଜ୍ୟଗୁଡ଼ିକରେ ଘନ କୁହୁଡ଼ି ଏକ ପ୍ରମୁଖ ସମସ୍ୟାର କାରଣ ପାଲଟିଛି । ଦିଲ୍ଲୀ AQI ହ୍ରାସ ପାଇଛି । ଏଥି ସହ ପଞ୍ଜାବ ଏବଂ ହରିୟାଣା ଭଳି ରାଜ୍ୟଗୁଡ଼ିକ ଲୋକମାନେ ମଧ୍ୟ ପ୍ରବଳ ଥଣ୍ଡାରେ ଗତି କରୁଛନ୍ତି । ଏହାରି ମଧ୍ୟରେ ପାଣିପାଗ ବିଭାଗ କହିଛି ଯେ, ଆସାମ ଏବଂ ମେଘାଳୟ, ବିହାର, ହରିୟାଣା, ଚଣ୍ଡିଗଡ଼ ଏବଂ ଦିଲ୍ଲୀ, ପଞ୍ଜାବ ଏବଂ ଉତ୍ତର ପ୍ରଦେଶର କିଛି ସ୍ଥାନରେ ଘନରୁ ଅତି ଘନ କୁହୁଡ଼ି ହେବାର ସମ୍ଭାବନା ରହିଛି । ଅରୁଣାଚଳ ପ୍ରଦେଶ, ଛତିଶଗଡ଼, ପୂର୍ବ ମଧ୍ୟପ୍ରଦେଶ, ହିମାଚଳ ପ୍ରଦେଶ, ଜମ୍ମୁ ଅଞ୍ଚଳ, ନାଗାଲାଣ୍ଡ, ମଣିପୁର, ମିଜୋରାମ ଏବଂ ତ୍ରିପୁରା, ଓଡ଼ିଶା, ଉପ-ହିମାଳାୟ ପଶ୍ଚିମବଙ୍ଗ ଏବଂ ସିକିମ ଏବଂ ଉତ୍ତରାଖଣ୍ଡର କିଛି ସ୍ଥାନରେ ମଧ୍ୟ ଘନ କୁହୁଡ଼ି ହେବାର ସମ୍ଭାବନା ରହିଛି । ଦୃଶ୍ୟମାନତା କମ୍ ରହିବ ବୋଲି ମଧ୍ୟ ଲୋକଙ୍କୁ ସତର୍କ କରାଇଛି ଆଇଏମଡି ।
ପାଣିପାଗ ବିଭାଗ ଉତ୍ତର ପ୍ରଦେଶର ୮ଟି ଜିଲ୍ଲାକୁ ଘନ କୁହୁଡ଼ି ଯୋଗୁଁ ରେଡ୍ ଆଲର୍ଟ ଜାରି କରାଯାଇଛି । ବରେଲି, ବାରବାଙ୍କି, ଲକ୍ଷ୍ନୌ, ବହରାଇଚ୍, ଶ୍ରାବସ୍ତି, ପ୍ରୟାଗରାଜ, ଭଦୋହି, ବାରାଣାସୀ ଏବଂ ମିର୍ଜାପୁର ଜିଲ୍ଲାଗୁଡିକରେ ଆଲର୍ଟ ଜାରି କରାଯାଇଛି । ଅତ୍ୟଧିକ ଘନ କୁହୁଡ଼ି ହେତୁ ଏହି ଜିଲ୍ଲାଗୁଡ଼ିକରେ ଦୃଶ୍ୟମାନତା ୫୦ ମିଟର ତଳକୁ ଖସିପାରେ । ମୋରାଡାବାଦ, ରାମପୁର, ଲକ୍ଷ୍ମୀପୁର-ଖେରୀ, ପିଲିବିଟ୍, ସୀତାପୁର, ବଳରାମପୁର, ସିଦ୍ଧାର୍ଥ ନାଗର, ବସ୍ତି, ଗୋଣ୍ଡା, ସନ୍ଥ କବୀର ନାଗର, ଗୋରଖପୁର, ଆମ୍ବେଦକର ନାଗର, ଅଯୋଧ୍ୟା, ସୁଲତାନପୁର, ଆଜମଗଡ, ଜୈନପୁର, ଚାନ୍ଦୁଲି ଜିଲ୍ଲାଗୁଡିକ ପାଇଁ ଅରେଞ୍ଜ ଆଲର୍ଟ ଜାରି କରାଯାଇଛି । ଯେଉଁଠାରେ ୨୦୦ ରୁ ୫୦ ମିଟର ମଧ୍ୟରେ ଦୃଶ୍ୟମାନ ହେବ ବୋଲି ଅନୁମାନ କରାଯାଉଛି ।
About the Author
