ଡବଲ ଇଞ୍ଜିନ୍ ସରକାର ଆଗକୁ ନଯାଇ ପଛକୁ ଯାଉଛନ୍ତି: ବଳଙ୍ଗା ପୀଡ଼ିତାଙ୍କ ମୃତ୍ୟୁ ନେଇ ବର୍ଷିଲା ବିଜେଡ଼ି

ଭୁବନେଶ୍ବର: ବଳଙ୍ଗା ଘଟଣାକୁ ୧୫ ଦିନ ହେଲାଣି।  ସରକାର କି ପ୍ରଶାସନ ଦୋଷୀକୁ ଧରି ପାରିନାହାନ୍ତି। ଉପମୁଖ୍ୟମନ୍ତ୍ରୀ କିଛି ଦିନ ତଳେ କହିଥିଲେ ମୁଁ ପୀଡ଼ିତାଙ୍କୁ ଭେଟିଥିଲି ଓ ସେ ଭଲ ଅଛନ୍ତି।  କିନ୍ତୁ ତାଙ୍କ ମୃତ୍ୟୁ ଅନେକ ଦ୍ଵନ୍ଦ ସୃଷ୍ଟି କରୁଛି।  ଏନେଇ ବିଜେଡ଼ି ସାଂଘାତିକ ଅଭିଯୋଗ ଆଣିଛି । ସରକାର ଦୋଷୀକୁ ଘଣ୍ଟ ଘୋଡାଉଛନ୍ତି ବୋଲି ବିରୋଧୀ ଦଳ ମୁଖ୍ୟ ସଚେତକ ପ୍ରମିଳା ମଲ୍ଲିକ ଅଭିଯୋଗ ଆଣିଛନ୍ତି। ସରକାରୀ ଦଳର ଲୋକଙ୍କ ସମ୍ପୃକ୍ତି ଅଛି ବୋଲି ଘଟଣାକୁ ଘୋଡାଇଛନ୍ତି ସରକାର। ଘଣ୍ଟ ଘୋଡାଇବା ବ୍ୟବସ୍ଥା ସରକାରୀ କର୍ମଚାରୀ କରିଛନ୍ତି। ମାସେ ଦୁଇ ମାସ ଭିତରେ ଦୁଇଟି ଘଟଣା ଘଟିଗଲା। ଯେଉଁଥି ରୁ ସ୍ପଷ୍ଟ ଯେ ମହିଳା ଏଠି ସୁରକ୍ଷିତ ନୁହନ୍ତି।

ଗୋପାଳପୁର ଗଣଦୁଷ୍କର୍ମ ଘଟଣା ପରେ ଓଡିଶା ସୁରକ୍ଷିତ ନୁହଁ ବୋଲି ଆମେରିକା ବି କହିଲା। ଏହା ଲଜ୍ଜାଜନକ। ଡବଲ ଇଞ୍ଜିନ୍ ସରକାର ଆଗକୁ ଯାଉନି ବିପରୀତ ଦିଗକୁ ଗଡୁଛି। ମହିଳା ମାନେ ରାସ୍ତାରେ ଚାଲିବାକୁ ଭୟଭୀତ। ବିଜେପି କର୍ମୀ ଲୋକଙ୍କୁ ଯେଉଁଭଳି ଉତ୍ପୀଡ଼ନ ଦେଉଛନ୍ତି ଲୋକେ ସେଥିରେ ଭୟଭୀତ।