ଜାଗ୍ରତ ଗୌରୀ ପୀଠର ବାର୍ଷିକ ଉତ୍ସବ

ତିହିଡି, ୩୧.୦୭ : ଭଦ୍ରକ ଜିଲ୍ଲା ତିହିଡ଼ି ବ୍ଳକ ଗୁଆମାଳ ଗ୍ରାମ ପଞ୍ଚାୟତ ଅଧୀନ ଗଣେଶ୍ୱରପୁର ଗ୍ରାମର ଅଧିଷ୍ଠାତ୍ରୀ ଗ୍ରାମଦେବୀ ଜାଗ୍ରତ ଗୌରୀଙ୍କ ପୀଠରେ ଜାଗ୍ରତ ଗୌରୀ ପଞ୍ଚମୀ ବିହିତ ବାର୍ଷିକ ଯଜ୍ଞ ଅନୁଷ୍ଠିତ ହୋଇଯାଇଛି । ଏହି ଦୁଇ ଦିବସବ୍ୟାପୀ ଯଜ୍ଞରେ ଅଙ୍କୁରାରୋପଣ, କଳସ ଶୋଭାଯାତ୍ରା, ସୂର୍ଯ୍ୟପୂଜା, ଘଟ ମଣ୍ଡଳାଦି ପୂଜା ସହ ଚଣ୍ଡୀ ଯଜ୍ଞ ଅନୁଷ୍ଠିତ ହୋଇଥିଲା । ବିଭିନ୍ନ ବ୍ରାହ୍ମଣ ଶାସନରୁ ଆସିଥିବା ବିଶିଷ୍ଟ ପଣ୍ଡିତମାନଙ୍କ ଦ୍ୱାରା ପୂଜାକାର୍ଯ୍ୟ ପରିଚାଳିତ ହୋଇଥିଲା । ଉକ୍ତ ସାମ୍ବତ୍ସରିକ ଯଜ୍ଞ କାର୍ଯ୍ୟଟି ସମସ୍ତ ଗଣେଶ୍ୱରଗ୍ରାମ ନିବାସୀମାନଙ୍କ ସହଯୋଗରେ ପୂର୍ଣ୍ଣତାଲାଭ କରିଥିଲା । ଆଖପାଖ ଅଞ୍ଚରୁ ବହୁ ସଂଖ୍ୟାରେ ଶ୍ରଦ୍ଧାଳୁମାନେ ଚରୁଅନ୍ନ ପ୍ରସାଦ ପ୍ରାପ୍ତି ପୂର୍ବକ ଦେବୀକୃପା ଲାଭ କରିଥିଲେ ।
ତିହିଡିରୁ ସଞ୍ଜୟ ଦାସଙ୍କ ରିପୋର୍ଟ ।