ଲଘୁଚାପ ଜନିତ ବର୍ଷାରେ ବଡପାଳ ପଞ୍ଚାୟତର ତିନି ଗୋଟି ପରିବାର ପ୍ରଭାବିତ

ଲଘୁଚାପ ଜନିତ ଲଗାଣ ବର୍ଷା ଯୋଗୁଁ ବଡପାଳ ଗ୍ରାମପଞ୍ଚାୟତ ର ଝାମ୍ପୁରା ଗ୍ରାମର ତିନି ଗୋଟି ଆଦିବାସୀ ପରିବାର ପ୍ରଭାବିତ ହୋଇଛନ୍ତି।

ଏହି ଖବର ପାଇ ରେମୁଣା ବିଧାୟକ ତଥା ସରକାରୀ ଉପମୁଖ୍ୟ ସଚେତକ ଗୋବିନ୍ଦ ଚନ୍ଦ୍ର ଦାସ, ରେମୁଣା ବ୍ଲକ ବିଡ଼ିଓ, ରେମୁଣା ତହସିଲଦାର ଏବଂ ଇରିଗେଶନ ଅଧିକାରୀ ଉକ୍ତ ସ୍ଥାନରେ ପହଞ୍ଚି ତୁରନ୍ତ ସେମାନଙ୍କୁ ନିକଟସ୍ଥ ବାତ୍ୟା ଆଶ୍ରୟସ୍ଥଳୀ କୁ ସୁରକ୍ଷିତ ଭାବରେ ସ୍ଥାନାନ୍ତରଣ କରାଇଥିଲେ। ଏଥି ସହିତ ଉକ୍ତ ପରିବାର ଙ୍କୁ ଖାଦ୍ୟ ପେୟ ର ବ୍ୟବସ୍ଥା କରାଇବା ସଙ୍ଗେ ସଙ୍ଗେ ଆବଶ୍ୟକୀୟ ସୁବିଧା ଯୋଗାଇ ଦେବା ନିମନ୍ତେ ବିଧାୟକ ଅଧିକାରୀଙ୍କୁ ନିର୍ଦେଶ ଦେଇଥିଲେ ।