ବିଭାଜନ ବିଭୀଷିକା ସ୍ମୃତି ଦିବସ ପାଳିତ
ଦେଶର ୭୯ ତମ ସ୍ବାଧିନତା ଦିବସ ପାଳନର ଗୋଟିଏ ଦିନ ପୁର୍ବରୁ ୧୪ ଅଗଷ୍ଟ ବିଭାଜନ ବିଭୀଷିକା ସ୍ମୃତି ଦିବସ ପାଳିତ ହୋଇଯାଇଛି। ଜିଲ୍ଲା ସଭାପତି ଶ୍ରୀଯୁକ୍ତ ଇଶ୍ଵର ଚନ୍ଦ୍ର ବେହେରାଙ୍କ ସଭାପତିତ୍ବରେ ଆୟୋଜିତ ଏହି କାର୍ଯ୍ୟକ୍ରମରେ ବାଲେଶ୍ଵର ସାଂସଦ ପ୍ରତାପ ଚନ୍ଦ୍ର ଷଡ଼ଙ୍ଗୀ ମୁଖ୍ୟ ବକ୍ତା ଓ ରାଜ୍ୟ ଉପସଭାପତି ବିରଞ୍ଚିନାରାୟଣ ତ୍ରିପାଠୀ ମୁଖ୍ୟ ଅତିଥି ଭାବରେ ଯୋଗଦାନ କରି ତାଙ୍କ ବ୍ୟକ୍ତବ୍ଯରେ କହିଥିଲେ ଜବାହରଲାଲ ନେହେରୁ ଓ ମହମ୍ମଦ ଅଲ୍ଲୀ ଜିନ୍ହାଙ୍କ କ୍ଷମତା ଲାଳସା ଯୋଗୁଁ ଭାରତ ଖଣ୍ଡବିଖଣ୍ଡିତ ହୋଇଥିଲା। ସ୍ବାଧୀନତା ଘୋଷଣାର ପୁର୍ବ ଦିନ ୧୯୪୭ ଅଗଷ୍ଟ ୧୪ ତାରିଖରେ ସାମ୍ପ୍ରଦାୟିକ ଭିତ୍ତିରେ ଦେଶକୁ ବିଭାଜିତ କରିଥିଲେ। ଏହା ଫଳରେ କେବଳ ପାକିସ୍ତାନ ନାମକ ନୂତନ ମୁସଲମାନ ଦେଶ ତିଆରି ହୋଇନଥିଲା, ଅନୁମାନିକ ୨୧ ଲକ୍ଷରୁ ହିନ୍ଦୁଙ୍କର ନିର୍ମମ ହତ୍ୟା ହୋଇଥିଲା, ଲକ୍ଷ ଲକ୍ଷ ହିନ୍ଦୁ ମହିଳାଙ୍କର ବଳାତ୍କାର ହୋଇଥିଲା। ପ୍ରକୃତରେ ଦେଶ ବିଭାଜନର କୌଣସି ଆବଶ୍ୟକତା ନଥିଲା, ସ୍ବାଧିନ ହେଲେ ପ୍ରଥମ ପ୍ରଧାନମନ୍ତ୍ରୀ ହେବାର ଦୁର୍ବାର ଲାଳସା ଭାରତକୁ ଏକ ଅଯୌକ୍ତିକ ବିଭାଜନକୁ ସାମ୍ନା କରିବାକୁ ପଡ଼ିଥିଲା। ଡ଼କ୍ଟର ଶ୍ୟାମାପ୍ରସାଦ ମୁଖାର୍ଜୀଙ୍କ ବୁଦ୍ଧିମତା କାରଣରୁ ଅଧା ବଂଗଳା ଆଜି ଆମ ଦେଶରେ ରହିଛି। ଏହି କାର୍ଯ୍ୟକ୍ରମ ପାଳନ କରିବାର ଉଦ୍ଦେଶ୍ୟ ହେଉଛି ଭବିଷ୍ୟ ପିଢ଼ି ଅତିତରୁ ଶିକ୍ଷାଲାଭ କରୁ, ଦେଶ ଭବିଷ୍ୟତରେ ଏଭଳି ଦୁର୍ଭାଗ୍ୟଜନକ ବିଡ଼ମ୍ବନାର ସମ୍ମୁଖୀନ ନହେଉ। ଭବିଷ୍ୟ ପିଢ଼ିକୁ ଅତିତ ବିଷୟରେ ଅବଗତ କରାଇବା ବର୍ତ୍ତମାନ ପିଢ଼ିର କର୍ତ୍ତବ୍ୟ। ମହାତ୍ମା ଗାନ୍ଧୀ କହିଥିଲେ ଯଦି ବିଭାଜନ ହୁଏ ତେବେ ମୋ ଶବ ଉପରେ ହେବ, ଅଥଚ ସେ ମଧ୍ୟ ନିରବରେ ବିଭାଜନକୁ ସମର୍ଥନ କଲେ। ଯେଉଁ ଲକ୍ଷ ଲକ୍ଷ ନାଗରିକ ପ୍ରାଣବଳି ଦେଲେ ସେମାନଙ୍କର କଣ ଦୋଷ ଥିଲା ?
ନେହେରୁ ଓ ଜିନ୍ନାଙ୍କ ରାଜନୈତିକ ପଶାପାଲିରେ ଲକ୍ଷ ଲକ୍ଷ ନାଗରିକ ପ୍ରାଣବଳି ଦେଲେ, ଲକ୍ଷ ଲକ୍ଷ ମହିଳାଙ୍କ ଇଜ୍ଜତ ଲୁଣ୍ଠନ ହେଲା। ସେମାନେ ଯୁବପିଢିଙ୍କୁ ଆହ୍ଵାନ କରିଥିଲେ ଏହି ପ୍ରକରଣରୁ ଶିକ୍ଷା ଲାଭ କରି ଭବିଷ୍ୟତକୁ ସୁରକ୍ଷା କରିବା ପାଇଁ ସଂକଳ୍ପବଦ୍ଧ ହୁଅନ୍ତୁ।
କାର୍ଯ୍ୟକ୍ରମର ସଂଯୋଜକ ତଥା ପୁର୍ବତନ ଜିଲ୍ଲା ସଭାପତି ଲମ୍ବୋଦର ନାୟକ ମଞ୍ଚ ପରିଚାଳନା କରିଥିଲେ, ଅନ୍ୟତମ ସଂଯୋଜକ ଶ୍ରୀନିବାସ ପ୍ରଧାନ ମଞ୍ଚ ଆହ୍ବାନ କରିଥିବା ବେଳେ
ରାଜ୍ଯ ସମ୍ପାଦିକା ସିପ୍ରା ବାଜପେୟୀ , ପୁର୍ବତନ ଜିଲ୍ଲା ସଭାପତି ଉମାକାନ୍ତ ମହାପାତ୍ର, ରାଜ୍ୟ କାର୍ଯ୍ୟକାରିଣୀ ସଦସ୍ୟ ଶୁଭଙ୍କର ମହାପାତ୍ର ଓ ମହିଳା ମୋର୍ଚ୍ଚାର ପୁର୍ବତନ ଉପସଭାନେତ୍ରୀ ସୁଷମା ରାଣୀ ବିଶ୍ବାଳ ମଞ୍ଚାସିନ ଥିଲେ। ଜିଲ୍ଲା ସାଧାରଣ ସମ୍ପାଦକ ପର୍ଶୁରାମ ପରିଡ଼ା ଧନ୍ୟବାଦ ଅର୍ପଣ କରିଥିଲେ। ଚନ୍ଦ୍ରଶେଖର ନନ୍ଦ, ବିଜୟ ସାହୁ, ରଞ୍ଜିତ ପୃଷ୍ଟି, ନାରାୟଣ ମହନ୍ତ, ରାଜେଶ ମହାପାତ୍ର ଓ ସୁମନ୍ତ ମହାଳିକ ସଭାକାର୍ଯ୍ୟ ପରିଚାଳନାରେ ସହଯୋଗ କରିଥିଲେ।