କେତେ ଭୟଙ୍କର ଥିଲା ପ୍ରଳୟ…? ଧରାଲିର ଧ୍ବଂସସ୍ଥଳୀରୁ ଉଦ୍ଧାର ପରେ ଲୋକେ ବଖାଣିଲେ ଅନୁଭୂତି

ଡେରାଡୁନ: ଉତ୍ତରାଖଣ୍ଡ ଧରାଲିରେ ପ୍ରକୃତି ତାଣ୍ଡବ ରଚିବା ପରେ ଏବେ ସାରା ଦେଶର ନଜର ପୂରା ଉତ୍ତରକାଶୀ ଉପରେ ରହିଛି । ପ୍ରଳୟ ପରେ ଏବେ ଜୀବନ ଖୋଜା ଚାଲିଥିବା ବେଳେ ଫସିଥିବା ଲୋକଙ୍କୁ ଉଦ୍ଧାର ପାଇଁ ଜୋରଦାର ଉଦ୍ୟମ ହେଉଛି । ଯଦିଓ ଧରାଲିର ଧ୍ବଂସସ୍ଥଳରେ ରେସ୍କ୍ୟୁ ଟିମ୍ ଏଯାଏଁ ପହଞ୍ଚି ପାରିନି ମାତ୍ର ହେଲିକପ୍ଟର ଜରିଆରେ ଉଦ୍ଧାର କାମ ଚାଲିଛି । ଧରାଲିରେ ରାସ୍ତା ଧୋଇଯାଇଛି, ବ୍ରିଜ୍ ଉଭାନ୍ ହୋଇଯାଇଛି.. ଏପରି ସ୍ଥଳରେ ଯୋଗାଯୋଗ ଅସମ୍ଭବ ହେଉଥିବାରୁ ହେଲିକପ୍ଟର ହିଁ ଏକମାତ୍ର ସାହାରା ସାଜିଛି ।