ପୂର୍ବତଟ ରେଳପଥର କର୍ମଚାରୀ ଅଂଶଗ୍ରହଣ ମଞ୍ଚ (PREM) ବୈଠକ ଆୟୋଜନ
ପରିଚାଳନା କ୍ଷେତ୍ରରେ କର୍ମଚାରୀଙ୍କ ଅଂଶଗ୍ରହଣକୁ ଉତ୍ସାହିତ କରିବା ପାଇଁ ପଦକ୍ଷେପର ଏକ ଅଂଶ ସ୍ୱରୂପ, ପୂର୍ବ ତଟ ରେଳପଥ (ECoR) ଆଜି ଏହାର ମୁଖ୍ୟାଳୟ, ରେଳ ସଦନରେ ଏକ PREM (ପରିଚାଳନା କ୍ଷେତ୍ରରେ ରେଳ କର୍ମଚାରୀଙ୍କ ଅଂଶଗ୍ରହଣ) ବୈଠକ ଆୟୋଜନ କରିଥିଲା। ବୈଠକରେ ସ୍ୱୀକୃତିପ୍ରାପ୍ତ ଟ୍ରେଡ୍ ୟୁନିଅନ୍ ଏବଂ ବିଭିନ୍ନ ସଂଘର ପ୍ରତିନିଧିମାନଙ୍କର ସକ୍ରିୟ ଅଂଶଗ୍ରହଣ ଦେଖିବାକୁ ମିଳିଥିଲା।
PREM ଫୋରମ୍, ଯାହା ଭାରତୀୟ ରେଳବାଇ ପାଇଁ ଅନନ୍ୟ, ସଂଗଠନର ସୁସଙ୍ଗତ ଏବଂ ଗଠନମୂଳକ ଶିଳ୍ପ ସମ୍ପର୍କକୁ ପ୍ରୋତ୍ସାହିତ କରିବାର ପରମ୍ପରାକୁ ପ୍ରତିଫଳିତ କରେ। ବୈଠକର ଅଧ୍ୟକ୍ଷତା କରି, ପୂର୍ବତଟ ରେଳପଥ ମହାପ୍ରବନ୍ଧକ ଶ୍ରୀ ପରମେଶ୍ୱର ଫୁଙ୍କୱାଲ୍ ରେଳ ପରିଚାଳନାକୁ ସୁଦୃଢ଼ ଏବଂ ଉନ୍ନତ କରିବାରେ ସାମୂହିକ ପ୍ରୟାସର ଗୁରୁତ୍ୱ ଉପରେ ଆଲୋକପାତ କରିଥିଲେ।
ବୈଠକରେ ଅତିରିକ୍ତ ମହାପ୍ରବନ୍ଧକ ଶ୍ରୀ ବି. ଏସ୍. କେ. ରାଜକୁମାର ଏବଂ ପୂର୍ବତଟ ରେଳପଥର ପ୍ରମୁଖ ବିଭାଗ ମୁଖ୍ୟମାନେ ମଧ୍ୟ ଯୋଗ ଦେଇଥିଲେ। ଏହି ଅଧିବେଶନର ସଂଯୋଜନା ଉପ ମହାପ୍ରବନ୍ଧକ ଶ୍ରୀ କେ. କେ. ଖାଡଙ୍ଗା କରିଥିଲେ।