ଗଜାନନଙ୍କ ପୂଜା ପାଇଁ ଉତ୍ସବ ମୁଖର ହୋଇଛି ପୁରପଲ୍ଲୀ

ତିହିଡି, ୨୮.୦୮ : ଅଗ୍ରପୂଜ୍ୟ ଗଜାନନଙ୍କ ପୂଜା ପାଇଁ ଉତ୍ସବ ମୁଖର ହୋଇ ଯାଇଛି ପୁରପଲ୍ଲୀ ।

ପାର୍ବଣର ଆଗମନରେ ଉତ୍‌ଫୁଲ୍ଲିତ ହୋଇ ଉଠିଛି ସମଗ୍ର ଧରାପୃଷ୍ଠ । ଦେବତାମାନଙ୍କ ମଧ୍ୟରେ ପ୍ରାଧାନ୍ୟଲାଭ କରିଥିବା ଗଣପତି ବାବାଙ୍କୁ ସର୍ବପ୍ରଥମେ ପୂଜାର୍ଚ୍ଚନା କରାଯାଇଥାଏ । ଗଣେଶ ପୂଜା ବା ଗଣନାଥଙ୍କ ପୂଜା ଏକ ମହତ୍‌ପୂର୍ଣ୍ଣ ଉତ୍ସବ ।

ମହାପ୍ରଭୁ ଶ୍ରୀଗଣେଷ କେବଳ ବିଦ୍ୟାଦାତା ନୁହଁନ୍ତି ସେ ଧର୍ମଦାତା ଓ ସିଦ୍ଧିଦାତାଭାବେ ପୂଜା ପାଇଥାନ୍ତି । ଭାଦ୍ରବ ମାସ ପବିତ୍ର ଶୁକ୍ଳ ଚତୁର୍ଥୀ ଦିନ ଏହି ପୂଜା କରାଯାଇଥାଏ । ଛାତ୍ରଛାତ୍ରୀଙ୍କ ଠାରୁ ଅନେକ ଗଣେଶଙ୍କ ଶ୍ରଦ୍ଧାଳୁ ଉପବାସ କରିବା ସହ ବିଦ୍ୟା, ଧନ ଓ ଶୁଭକାମନା କରି ଶୁଦ୍ଧପୂତ ମନରେ ଗଣପତିଙ୍କ ପୂଜା କରନ୍ତି । ଏବେ ଏହି ପୂଜାକୁ ନେଇ ସହରଠାରୁ ଗାଁ ଗହଳି ପର୍ଯ୍ୟନ୍ତ ଭିଡ ଜମିଛି । କେବଳ ବିଦ୍ୟାଳୟ ବା ଶିକ୍ଷାନୁଷ୍ଠାନ ନୁହେଁ ସମାଜର ବିଭିନ୍ନ ଶ୍ରେଣୀ, ସାମାଜିକ ସଂଗଠନ, ଅନୁଷ୍ଠାନ ସର୍ବପରି ଯୁବପୀଢିଙ୍କ ମଧ୍ୟରେ ଏହି ପୂଜାଟିକୁ ବେଶ୍ ଯାକଜମକରେ ପାଳନ କରାଯାଉଛି । କେଉଁଠି ଆକର୍ଷଣୀୟ ତୋରଣ ତ ଆଉ କେଉଁଠି ଉଜ୍ଜଳ ଆଲୋକ ସଜ୍ଜା କରି ପୂଜା ମଣ୍ଡପଗୁଡିକ ଆକର୍ଷଣର କେନ୍ଦ୍ର ବିନ୍ଦୁ ପାଲଟିଥିବା ବେଳେ ଆଉ କେଉଁଠି ସୁ-ଉଚ୍ଚ ମୂର୍ତ୍ତୀ ଓ ଓଜନଦାର୍ ଲଡୁର ଆକର୍ଷଣ ଦେଖଣାହାରୀଙ୍କ ମନରେ ଆବେଗ ସୃଷ୍ଟି କରିଛି । ଅଗ୍ରପୂଜ୍ୟଙ୍କୁ ପୂଜା କରି କୃତାର୍ଥ ମଣିଛନ୍ତି ଛାତ୍ରଛାତ୍ରୀ ଓ ଶିକ୍ଷକ/ଶିକ୍ଷୟିତ୍ରୀ । ସେହିପରି ବିଭିନ୍ନ କ୍ଲବ ଓ ସାମାଜିକ ସଂଗଠନ ପକ୍ଷରୁ ସନ୍ଧ୍ୟାରେ ଆରମ୍ଭ ହୋଇଛି ଏହି ପୂଜା । ଭଦ୍ରକ ଜିଲ୍ଲା ତିହିଡି ବ୍ଲକ ସିନ୍ଦୋଳ ପଞ୍ଚାୟତ ଅଧିନ ଆରୁହାରେ ଇନ୍ଦିରା ପଲ୍ଲୀ ସାହିତ୍ୟ ସାଂସ୍କୃତିକ ସଂଗଠନ ପକ୍ଷରୁ ଚଳିତ ଖୁବ୍ ଯାକଜମକରେ ଗଜାନନଙ୍କ ପୂଜା ପାଳନ କରାଯାଉଛି । ଏହା ୫ ଦିନ ଧରି ଚାଲିବ । ବୃକ୍ଷରୋପଣ, ସାଂସ୍କୃତିକ କାର୍ଯ୍ୟକ୍ରମ, ପ୍ରତିଯୋଗିତା ଓ ଆନନ୍ଦ ବଜାର ସହିତ ରବିବାର ଭଷାଣୀର କାର୍ଯ୍ୟକ୍ରମ ରହିଛି । ସଂଗଠନର ଦେବାଶିଶ ନାୟକ, ରାଜେନ୍ଦ୍ର ସ୍ୱାଇଁ, ଚନ୍ଦନ ସ୍ୱାଇଁ, ଆଲୋକ ବଳ, ମହେଶ୍ୱର ରାଉଳ, ନିଶିକାନ୍ତ ସାମଲ, ବିକାଶ ସ୍ୱାଇଁ ଓ ଜଗନଜ୍ୟୋତି ବଳ ପ୍ରମୁଖ କାର୍ଯ୍ୟକ୍ରମ ପରିଚାଳନା କରୁଛନ୍ତି । କୋହ୍ଲ ପଞ୍ଚାୟତ ଅଧିନ ଗୋଚ୍ଛାୟତ ସାହିର ଗଜାନନ କ୍ଲବ ପକ୍ଷରୁ ପାଳିତ ପୂଜା ପରମ୍ପରା ଚଳିତ ବର୍ଷ ୨୧ ବର୍ଷରେ ପଦାର୍ପଣ କରିଛି । ଏଠାରେ ପୁଟ୍ ଉଚ୍ଚତା ବିଶିଷ୍ଟ ଅମ୍ବୁଜା ଅବତାରରେ ଗଜାନନ ପୂଜା ପାଉଛନ୍ତି । ବର୍ଯ୍ୟବସ୍ତୁରେ ତିଆରି ଏହି ମୂର୍ତ୍ତୀ ଦର୍ଶକଙ୍କୁ ବେଶ ଆକର୍ଷିତ କରୁଛି । ଶିଳ୍ପୀ ସୁରେଶ ଗୋଚ୍ଛାୟତ ଓ ବସନ୍ତ ଗୋଚ୍ଛାୟତଙ୍କ ସମେତ କ୍ଲବର ସଭାପତି ଗୌତମ ଗୋଚ୍ଛାୟତ, ମହାଦେବ ନାୟକ, ଉମାକାନ୍ତ ଗୋଚ୍ଛାୟତ, ଲାକ୍ଷ୍ମୀକାନ୍ତ ଗୋଚ୍ଛାୟତ, ଶ୍ୟାମସୁନ୍ଦର ଗୋଚ୍ଛାୟତ, ମୁନା ଗୋଚ୍ଛାୟତ, ଧନେଶ୍ୱର ନାୟକ, ଆଶିଶ ଗୋଚ୍ଛାୟତ, ଅମର ଗୋଚ୍ଛାୟତ, ଚନ୍ଦନ ଗୋଚ୍ଛାୟତ ଓ ଅମର ଗୋଚ୍ଛାୟତ ପ୍ରମୁଖ ପରିଚାଳନା କରୁଛନ୍ତି । କୋହ୍ଲ ପଶ୍ଚିମାପଦାସ୍ଥିତ ବିପଦବନ୍ଧୁ ସେବା ସଂଗଠନ ପକ୍ଷରୁ ଏହି ପୂଜା ୨୦୦୨ ମସିହା ଠାରୁ ପାଳିତ ହୋଇ ଆସୁଛି । ଚଳିତ ବର୍ଷ ଏହି ପୂଜା ଏକ ସପ୍ତାହ ଧରି ଚାଲିବ । ଦୈନିକ ସେବା ମୂଳକ କାର୍ଯ୍ୟକ୍ରମ ସହିତ ସାଂସ୍କୃତିକ ଓ ବୃକ୍ଷରୋପଣ କାର୍ଯ୍ୟକ୍ରମ ରହିଛି । ସଭାପତି କୈଳାସ ଚନ୍ଦ୍ର ସାହୁ, ସମ୍ପାଦକ ଅଲେଖ ଚନ୍ଦ୍ର ଜେନା, ସଭ୍ୟ ରାଜେୟ ବାରିକ, ସଞ୍ଜୟ ସାହୁ, ଭରତ ପରିଡା, ଲୋକନାଥ ବାରିକ, ଲୋକନାଥ ପରିଡା ପ୍ରମୁଖ କାର୍ଯ୍ୟକ୍ରମ ପରିଚାଳନା କରୁଛନ୍ତି । ସେହିପରି କମାରିଆସ୍ଥିତ ଆଇ ଏଣ୍ଡ ୟୁ ସାମାଜିକ ସଂଗଠନ ପକ୍ଷରୁ ଧୂମଧାମରେ ପାଳିତ ହେଉଛି । ଆକର୍ଷଣୀତ ତୋଷଣ ସାଙ୍ଗକୁ ସାଂସ୍କୃତିକ କାର୍ଯ୍ୟକ୍ରମ ଅଞ୍ଚଳବାସୀଙ୍କ ମନ ମୋହୁଛି ।