ରାଜ୍ୟ

ଓଲଟା ତ୍ରିରଙ୍ଗା ଉତ୍ତୋଳନ କଲେ ବିଜେପି ବିଧାୟକ!: ଭିଡିଓ ଭାଇରାଲ ହେବା ପରେ ଦେଲେ ସ୍ପଷ୍ଟୀକରଣ

Spread the love

ଭୋପାଳ: ମଧ୍ୟପ୍ରଦେଶର କଟନି ଜିଲ୍ଲାର ବିଜୟରାଘବଗଡ଼ ଦୁର୍ଗରେ ସ୍ୱାଧୀନତା ଦିବସରେ ତ୍ରିରଙ୍ଗାକୁ ଓଲଟା ଉତ୍ତୋଳନ କରିବାର ଏକ ଘଟଣା ସାମ୍ନାକୁ ଆସିଛି। ଅଗଷ୍ଟ ୧୫ ତାରିଖରେ ସ୍ୱାଧୀନତା ଦିବସ ଅବସରରେ ବିଜୟରାଘବଗଡ଼ ଦୁର୍ଗରେ ବିଧାୟକ ସଞ୍ଜୟ ପାଠକଙ୍କ ଦ୍ୱାରା ପତାକାକୁ ଓଲଟା ଉତ୍ତୋଳନ କରାଯାଇଥିଲା ଏବଂ ଏହା ସୋସିଆଲ ମିଡିଆରେ ଭାଇରାଲ ହୋଇଥିଲା।

ତଥାପି, ବିଧାୟକଙ୍କ କହିଛନ୍ତି, ଏହା ଜଣାପଡ଼ିବା ପରେ, ତୁରନ୍ତ ତ୍ରିରଙ୍ଗାକୁ ତଳକୁ କଢ଼ାଯାଇ ପୁଣି ଉତ୍ତୋଳନ କରାଯାଇଥିଲା। ଏବେ ବିଧାୟକ ସଞ୍ଜୟ ପାଠକ ଏହି ମାମଲାରେ କଲେକ୍ଟରଙ୍କୁ ଏକ ଚିଠି ଲେଖିଛନ୍ତି। ଏହି ଚିଠି ମାଧ୍ୟମରେ ସେ ଅବହେଳା କରିଥିବା ଲୋକଙ୍କ ବିରୁଦ୍ଧରେ କାର୍ଯ୍ୟାନୁଷ୍ଠାନ ଦାବି କରିଛନ୍ତି।

ଏହି ଘଟଣାକୁ ଗମ୍ଭୀରତାର ସହ ନେଇ ସଞ୍ଜୟ ପାଠକ ଡିଏମଙ୍କୁ ଏକ ଚିଠି ଲେଖିଛନ୍ତି ଏବଂ ଏହାକୁ ଏକବଡ଼ ଷଡ଼ଯନ୍ତ୍ର ବୋଲି କହିଛନ୍ତି। ତଦନ୍ତ କରି ଏଥିପାଇଁ ଦାୟୀ ଅଧିକାରୀ ଏବଂ କର୍ମଚାରୀଙ୍କ ବିରୁଦ୍ଧରେ କଠୋର ଶୃଙ୍ଖଳାଗତ କାର୍ଯ୍ୟାନୁଷ୍ଠାନ ପାଇଁ କହିଛନ୍ତି। ତେବେବିଧାୟକ ସଞ୍ଜୟ ପାଠକଙ୍କ ଭିଡିଓ ସୋସିଆଲ ମିଡିଆରେ ଭାଇରାଲ ହୋଇଛି, ଯେଉଁଥିରେ ସେ ଓଲଟା ତ୍ରିରଙ୍ଗା ଉତ୍ତୋଳନ କରୁଥିବାର ଦେଖାଯାଉଛି।

Leave a Reply

Your email address will not be published. Required fields are marked *

error: Content is protected !!