ସଦର ବିଜେପି କାର୍ଯ୍ୟାଳୟରେ ୭୯ତମ ସ୍ୱାଧୀନତା ଦିବସ ପାଳିତ

ଭାରତୀୟ ଜନତା ପାର୍ଟିର ସଦର ନିର୍ବାଚନମଣ୍ଡଳୀ କାର୍ଯ୍ୟାଳୟରେ ୭୯ତମ ସ୍ୱାଧୀନତା ଦିବସ ହର୍ସ ଉଲ୍ଲାସରେ ପାଳିତ ହୋଇଯାଇଛି । ଏହି ପରିପ୍ରେକ୍ଷୀରେ ସ୍ଥାନୀୟ ଜେଲ ରୋଡ ସ୍ଥିତ ଦଳୀୟ କାର୍ଯ୍ୟାଳୟରେ ସଦର ବିଧାୟକ ମାନସ କୁମାର ଦତ୍ତ ଯୋଗଦେଇ ଜାତୀୟ ପତାକା ଉତୋଳନ ସହିତ ଦେଶର ସ୍ୱାଧୀନତା ଆନ୍ଦୋଳନରେ ବଳିଦାନ ଦେଇଥିବା ମହାମନିଷୀମାନଙ୍କ ଉଦ୍ଦେଶ୍ୟରେ ଶ୍ରଦ୍ଧାଞ୍ଜଳି ଅର୍ପଣ କରିଥିଲେ । ରାଷ୍ଟ୍ରକୁ ଭଲପାଇବା ଏବଂ ଦେଶ ମାତୃକା ସେବା ପାଇଁ ତ୍ୟାଗ ବଳିଦାନ କରିବା ସମାଜର ପ୍ରତ୍ୟେକବର୍ଗର ନାଗରିକଙ୍କ ପରମ କର୍ତ୍ତବ୍ୟ ହେବା ଉଚିତ ବୋଲି ସେ ଏହି ଅବସରରେ କହିଥିଲେ । ସମସ୍ତେ ଜାତୀୟତା ଭାବରେ ଉଦବୁଦ୍ଧ ହୋଇ ରାଷ୍ଟ୍ରନିର୍ମାଣ କାର୍ଯ୍ୟରେ ନିୟୋଜିତ ହେବାକୁ ସେ ଆହ୍ୱାନ ଦେଇଥିଲେ । ନିଜ ଅଧିକାର ପାଇଁଁ ସମସ୍ତେ ତେିକି ଯତ୍ନବାନ ହୋଇଥାଅନ୍ତି ଠିକ୍ ସେହିପରି ରାଷ୍ଟ୍ର ପାଇଁ କର୍ତ୍ତବ୍ୟ ସମ୍ପାଦନ ପାଇଁ ଯତ୍ନଶୀଳ ହେବାକୁ ବିଧାୟକ ଶ୍ରୀ ଦତ୍ତ ଆହ୍ୱାନ ଦେଇଥିଲେ । ଅନ୍ୟମାନଙ୍କ ମଧ୍ୟରେ ବରିଷ୍ଠ ନେତା ପର୍ଶୁରାମ ବେହେରା, ରବିନାରାୟଣ ମହାପାତ୍ର, ଗୌରାଙ୍ଗ ଦାସ, ଗଙ୍ଗାଧର ରାଉତ, ଉପେନ୍ଦ୍ର ଶତପଥୀ, ସୁଜିତ ଦେବ, ସୀତାକାନ୍ତ ସ୍ୱାଇଁ, ଅନନ୍ତ ନାୟକ, ଲୋକନାଥ ଭୂୟାଁ, ବିଭୂପଦ ଦାସ, ଧିରଜ ମହାନ୍ତି, ସୁଧାଂଶୁ ପଣ୍ଡା, କାର୍ତିକ ରାଉତ, ରାଜେନ୍ଦ୍ର ଚାଟାର୍ଜୀ,କାଉନସିଲର ପ୍ରତିମା ବେହେରା, ହରେନ୍ଦ୍ର ପ୍ରଧାନ, ବୈଲୋଚନ ଦାଶ, ସୁଶାନ୍ତ ବର୍ଦ୍ଧନ, ବିକାଶ ପାଢ଼ୀ, ମନ୍ମୟ ଦାସ, ବିଜୟ ପୃଷ୍ଟି, ପବନ କମିଳା, ଉମେଶ ବେହେରା, ଦୁର୍ଗା ବେହେରା, ରଞ୍ଜନ ଦାସ ପ୍ରମୁଖ ଏଥିରେ ଉପସ୍ଥିତ ଥିଲେ । ପରେ ବିଧାୟକ ଶ୍ରୀ ଦତ୍ତ, ଖବର କାଗଜ ହକର ସଂଘ, ପୁରୁଣା ବାଲେଶ୍ୱର, ବନ୍ଦେ ମା’ତରମ ପାଠାଗାର, ଚୌକବଜାର କାଳୀ ମଣ୍ଡପ, ସଦର ବ୍ଲକ କାର୍ଯ୍ୟାଳୟ, ବାଲେଶ୍ୱର ପୌରପାଳିକା କାର୍ଯ୍ୟାଳୟ, କଂଗ୍ରେସ ଅଫିସ ଗଳି ଓ ଷ୍ଟେସନ ଛକ ଠାରେ ଆୟୋଜିତ ସ୍ୱତନ୍ତ୍ର କାର୍ଯ୍ୟକ୍ରମଗୁଡିକରେ ଜାତୀୟ ପତାକା ଉତ୍ତୋଳନ କରିଥିଲେ ।