ରାଷ୍ଟ୍ରପତି ପ୍ରଦତ୍ତ ଜୀବନ ରକ୍ଷକ ପଦକ ପୁରସ୍କାର ପାଇଲେ ଡାକ୍ତର ରଞ୍ଜନା ଭଣ୍ଡାରୀ।

ଉତ୍ତରାଖଣ୍ଡର କନ୍ୟା ଓଡ଼ିଶାର ବୋହୂ। ଓଡ଼ିଶା କୁ ଗର୍ବ ଓ ଗୌରବ ଆଣିଛନ୍ତି।

👉🏻 ନୀଳଗିରି ବ୍ଲକ୍ ଧୋବଶିଳା ପଞ୍ଚାୟତ କେନ୍ଦୁଖୁଣ୍ଟା ଗାଆଁର ବୋହୂ ଭାବେ ସମଗ୍ର ଓଡ଼ିଶା କୁ ଗୌରବାନ୍ଵିତ କରିଛନ୍ତି ଡାକ୍ତର ରଞ୍ଜନା ଭଣ୍ଡାରୀ।

ନୀଳଗିରି ,ତା, ୧୬/୦୮- ୭୯ ତମ ସ୍ବାଧିନତା ଦିବସ ପାଳନ ଅବସରରେ ଓଡ଼ିଶା ସେକ୍ରେଟାରୀଏଟ୍ ସମ୍ମିଳନୀ କକ୍ଷରେ ଆୟୋଜିତ କାର୍ଯ୍ୟକ୍ରମରେ ମୁଖ୍ୟମନ୍ତ୍ରୀଙ୍କ ହାତରୁ ମହାମହିମ ରାଷ୍ଟ୍ରପତିଙ୍କ ପ୍ରଦତ୍ତ ‘ଜୀବନ ରକ୍ଷକ ପଦକ ‘ଗ୍ରହଣ କଲେ ଡାକ୍ତର ରଞ୍ଜନା ଭଣ୍ଡାରୀ। ଏଭଳି ଜୀବନ ରକ୍ଷକ ପଦକ ପାଇବା ପଛରେ ରହିଛି ଏକ ଲୋମହର୍ଷକ ଘଟଣା ।

୨୦୨୩ ମସିହାରେ ବାରିପଦା ସ୍ଥିତ ରଘୁନାଥ ମୁର୍ମୁ ମେଡିକାଲ କଲେଜ ଆଣ୍ଡ ହସ୍ପିଟାଲରେ ଜଣେ ବରିଷ୍ଠ ସ୍ତ୍ରୀରୋଗ ବିଶେଷଜ୍ଞ ଭାବେ କାର୍ଯ୍ୟରତ ଥିଲେ ଡାକ୍ତର ଭଣ୍ଡାରୀ। ସେହି ବର୍ଷ ଅଗଷ୍ଟ ୧୮ ତାରିଖ ଦିନ ଏକ ଭୟଙ୍କର ଦୁର୍ଘଟଣା ଗାଇନିକ୍ ଡିପାର୍ଟମେଣ୍ଟ ର ଦ୍ଵିତୀୟ ମହଲା ସ୍ଥିତ ଓଟିରେ ଘଟିଥିଲା।

ଉକ୍ତ ଓଟିରେ ଡାକ୍ତର ଭଣ୍ଡାରି ୧୭ ତାରିଖରେ ୧୦ ଟି ସିଯାରୀୟନ୍ ବେବୀ ଜନ୍ମ କରାଇ ଥିଲେ । ୧୮ ତାରିଖ ଦିନ ଓଟି ମଧ୍ୟରେ ସଫଳତାର ସହିତ ୫ ଟି ସିଜାରୀୟନ କରି ସାରିବା ପରେ ୬ଷ୍ଟ ମହିଳାଙ୍କ ଶିଜାରୀୟନ୍ କରି ଶିଶୁଟିକୁ ବାହାରକୁ ଆଣିବା ସମୟରେ ଇଲେକ୍ଟ୍ରି ସର୍ଟ ସର୍କିଟ ଯୋଗୁଁ ଉକ୍ତ ଘର ମଧ୍ୟରେ କଳା ଧୂଆଁ ଭରିଯିବା ଯିବା ସହିତ ଅଗ୍ନିକାଣ୍ଡ ଘଟିଥିଲା । ଯେତେବେଳେ ନିଜ ନିଜର ଜୀବନ ବଞ୍ଚାଇବା ପାଇଁ ରୋଗୀ , ରୋଗୀ ସମ୍ପର୍କୀୟ ତଥା ଡାକ୍ତରଖାନା କର୍ମଚାରୀ ମାନେ ଧାଆଁ ଦୌଡ କରୁ ଥିବା ବେଳେ,ସେ ନିଜ
ଜୀବନକୁ ବିପର୍ଣ୍ଣ କରି ନବ ଜନ୍ମିତ ଶିଶୁ ଏବଂ ତାର ମାଆ କୁ ଅଗ୍ନିକାଣ୍ଡ କବଳିତ ଓଟି ମଧ୍ୟରୁ ନବ ଜନ୍ମିତ ଶିଶୁ ଓ ତାର ମାଆ କୁ ଓଟି ଟେବଲ ସହିତ ସହକର୍ମୀ ମାନଙ୍କ ସହିତ ମିଶି ହସ୍ପିଟାଲ କରିଡ଼ର ମଧ୍ୟକୁ ନେଇ ଆସିଥିଲେ। ସେହିଠାରେ ମାଆର ଉପଚାର କରିବା ସହିତ ଶିଶୁକୁ ମଧ୍ୟ ଚିକିତ୍ସା କରା ଯାଇଥିଲା । ସେମାନଙ୍କୁ ଅନ୍ୟଏକ ଓଟି କୁ ସ୍ଥାନାନ୍ତର କରିବା ପରେ, ପରବର୍ତ୍ତୀ ୮ ଦିନ ସେମାନେ ହସ୍ପିଟାଲରେ ଚିକିତ୍ସାଧୀନ ରହି ମାଆ ଏବଂ ନବ ଜନ୍ମିତ ଶିଶୁ ସୁସ୍ଥ ଅବସ୍ଥାରେ ଘରକୁ ଫେରିଥିଲେ । ଏହା ଏକ ଅକଳ୍ପନିୟ , ଅବର୍ଣ୍ଣନୀୟ ଜଣେ ସାହାସୀ ନାରୀର କାର୍ଯ୍ୟବୋଲି ଉକ୍ତ ଘଟଣା ତତ୍କାଳୀନ ସମୟରେ ବିଭିନ୍ନ ଖବର କାଗଜର ପୃଷ୍ଠା ମଣ୍ଡନ କରିଥିଲା । ଉକ୍ତ ଘଟଣାକୁ ମେଡିକାଲ କତୃପକ୍ଷ, ମୟୂରଭଞ୍ଜ ଜିଲ୍ଲାବାସୀ ଉଚ୍ଚ ପ୍ରଶଂସା କରିବା ସହିତ ସାହସିକତାର ଅପୂର୍ବ ନିଦର୍ଶନ ସମ୍ପର୍କରେ କଲେଜ୍ କତୃପକ୍ଷ ରାଜ୍ୟ ସରକାରଙ୍କୁ ଜଣାଇଥିଲେ। ଏବଂ ରାଜ୍ୟ ସରକାରଙ୍କ ଗୃହ ବିଭାଗ ତରଫରୁ ରାଷ୍ଟ୍ରପତି ଜୀବନ ରକ୍ଷକ ପଦକ ପାଇଁ,ଏକମାତ୍ର ନାମ କେନ୍ଦ୍ର ଗୃହ ମନ୍ତ୍ରଣାଳୟ କୁ ସୁପାରିସ କରା ଯାଇଥିଲା। ଏ ସମ୍ପର୍କରେ କିଛିଦିନ ପୂର୍ବରୁ ଏକ ଚିଠି ମଧ୍ୟ ତାଙ୍କ ପାଖକୁ ଆସିଥିଲା ଯୋଉଥିରେ ତାଙ୍କୁ କୁହା ଯାଇଥିଲାକି, ଆଗଷ୍ଟ ପନ୍ଦର ସ୍ଵାଧୀନତା ଦିବସ ପାଳନ ଅବସରରେ ଓଡ଼ିଶାର ମାନ୍ୟବର ମୁଖ୍ୟମନ୍ତ୍ରୀ ମୋହନ ଚରଣ ମାଝିଙ୍କ ହାତରୁ ଉକ୍ତ ପଦକ ଗ୍ରହଣ କରିବା ପାଇଁ । ସ୍ୱାଧୀନତା ଦିବସ ପାଳନ ଅବସରରେ ସେକ୍ରେଟାରୀଏଟ୍ ସ୍ଥିତ ସମ୍ମିଳନୀ କକ୍ଷରେ ଆୟୋଜିତ କାର୍ଯ୍ୟକ୍ରମରେ, ଓଡ଼ିଶାର ମାନ୍ୟବର ମୁଖ୍ୟମନ୍ତ୍ରୀ ମୋହନ ଚରଣ ମାଝି ତାଙ୍କୁ ରାଷ୍ଟ୍ରପତି ପ୍ରଦତ୍ତ ‘ଜୀବନ ରକ୍ଷକ ପଦକ ‘ ଓ ମାନପତ୍ର ଦେଇ ସମ୍ବର୍ଦ୍ଧିତ କରିଥିଲେ। ଯାହା ସମଗ୍ର ବାଲେଶ୍ଵର , ନୀଳଗିରି ତଥା ଓଡ଼ିଶା ପାଇଁ ଗର୍ବର ବିଷୟବୋଲି ସବୁଠାରେ ଚର୍ଚ୍ଚା ଜୋର ଧରିଛି। ଏ ସମ୍ପର୍କରେ ଡାକ୍ତର ଭଣ୍ଡାରୀ ଙ୍କୁ ପଚାରିବାରେ ସେ କହିଥିଲେ କି ,ଜଣେ ଡାକ୍ତର ଭାବେ ମୁଁ ମୋର କର୍ତ୍ତବ୍ୟ ସମ୍ପାଦନ କରିଛି । ଡାକ୍ତରୀ ପେଶାରେ ପ୍ରଥମେ ରୋଗୀର ଜୀବନ ରକ୍ଷାପାଇଁ ସର୍ବୋତ୍ତମ ଚେଷ୍ଟା କରାଯାଇ ଥାଏ। ପରେ ନିଜ ଜୀବନ କଥା ଚିନ୍ତା କରାଯାଏ। ତେବେ ଏ ଭଳି କାର୍ଯ୍ୟ କରିବା ପରେ ମୋତେ ଯଥେଷ୍ଟ ଆତ୍ମସନ୍ତୋଷ ମିଳିଥିଲା। ଉକ୍ତ ସମ୍ବର୍ଦ୍ଧନା ଲାଭପରେ ମୁଁ ଯଥେଷ୍ଟ ଆନନ୍ଦିତ ଓ ଉତ୍ସାହିତ ହୋଇଛି। ଆଗାମୀ ଦିନରେ ପ୍ରଥମେ ‘ମାନବ ସେବା ହିଁ ମାଧବ’ ସେବା ଭାବେ ଗ୍ରହଣ କରି ମୁଁ ମୋର କର୍ତ୍ତବ୍ୟ ସମ୍ପାଦନା କରିବି।