ରେମୁଣା ବିଜେପି ପକ୍ଷରୁ ବିଭିନ୍ନ ସହିଦ ସ୍ମୃତି ପୀଠରେ ସ୍ଵଚ୍ଛ ଭାରତ କାର୍ଯ୍ୟକ୍ରମ
ଗୁରୁବାର ସକାଳ ୧୦ ଘଟିକା ସମୟରେ ଇଞ୍ଚୁଡ଼ି ଲବଣ ସତ୍ୟାଗ୍ରହ ସ୍ମୃତି ପୀଠରେ ଏକ ସ୍ଵଚ୍ଛ ଭାରତ କାର୍ଯ୍ୟକ୍ରମର ଆୟୋଜନ କରାଯାଇଥିଲା।
ଲବଣତୀର୍ଥ ମଣ୍ଡଳ ସଭାପତି ମାନସ କୁମାର ମହାନ୍ତିଙ୍କ ଅଧ୍ୟକ୍ଷତାରେ ଆୟୋଜିତ ଏହି କାର୍ଯ୍ୟକ୍ରମରେ ବିଧାୟକ ରେମୁଣା ତଥା ସରକାରୀ ଉପମୁଖ୍ୟ ସଚେତକ ଗୋବିନ୍ଦ ଚନ୍ଦ୍ର ଦାସ, ବରିଷ୍ଠ ନେତା ପର୍ଶ୍ୟୁରାମ ପରିଡ଼ା, ହରନ୍ଦ୍ର ମଲିକ, ପୂର୍ବତନ ମଣ୍ଡଳ ସଭାପତି ବିଭୁତି ସେନାପତି, ଅଜୟ ବାରିକ,ସିଲି ବେହେରା, କାର୍ତିକ ଦାସ, ଅଞ୍ଜନ ଲେଙ୍କା, କିରଣ ପଣ୍ଡା, କମଳାକାନ୍ତ ବାରିକ, ଉମେଶ ଦାଶ, ବ୍ରହ୍ମାନନ୍ଦ ବିଶ୍ୱାଳ, ପଞ୍ଚାନନ ଲେଙ୍କା ପ୍ରମୁଖ ଉପସ୍ଥିତ ଥିଲେ।
ପ୍ରଥମେ ସ୍ୱଚ୍ଛ ଭାରତ କାର୍ଯ୍ୟକ୍ରମ ଅନ୍ତର୍ଗତରେ ସମସ୍ତେ ସ୍ମୃତି ପୀଠ ପରିସରରେ ସଫେଇ କାର୍ଯ୍ୟକ୍ରମ କରିଥିଲେ, ପରେ ସମସ୍ତ ସହିଦ ମହାପୁରୁଷ ମାନଙ୍କ ପ୍ରତିମୂର୍ତ୍ତିରେ ମାଲ୍ୟାର୍ପଣ ପୂର୍ବକ ଶ୍ରଦ୍ଧାଞ୍ଜଳି ଅର୍ପଣ କରିଥିଲେ। ଏହା ପରେ ଇଞ୍ଚୁଡି ଲବଣ ସତ୍ୟାଗ୍ରହ ଉଚ୍ଚ ବିଦ୍ୟାଳୟ ପରିସରରେ “ମା ପାଇଁ ଗଚ୍ଛ ଟିଏ” କାର୍ଯ୍ୟକ୍ରମ ଅନ୍ତର୍ଗତରେ ଚାରା ଗଛ ରୋପଣ କରାଯାଇଥିଲା।
ସେହିପରି ଖାନନଗର ସ୍ଥିତ ସହିଦ ଗଙ୍ଗାରାମ ଙ୍କ ସ୍ମୃତି ପୀଠରେ ମଧ୍ୟ ସ୍ୱଚ୍ଛ ଭାରତ ଅଭିଯାନ କାର୍ଯ୍ୟକ୍ରମ ଅନ୍ତର୍ଗତରେ ସଫେଇ କରିବା ସହ ସହିଦ ଗଙ୍ଗାରାମ ଙ୍କ ପ୍ରତିମୂର୍ତ୍ତିରେ ମାଲ୍ୟାର୍ପଣ ପୂର୍ବକ ଶ୍ରଦ୍ଧାଞ୍ଜଳି ଅର୍ପଣ କରିଥିଲେ। ଏହି ଅବସରରେ ବିଧାୟକ ଶ୍ରୀ ଦାସ, ବରିଷ୍ଠ ବ୍ୟକ୍ତି ଶ୍ରୀ ପରିଡ଼ା, ସୁକୁମାର ଦାସ, ସରପଞ୍ଚ ଅଞ୍ଜନ ନାୟକ, ସମିତି ସଭ୍ୟା ରସ୍ମିରାଣି ଦାସ, ପ୍ରଦୀପ କୁମାର ଦାସ, ଜିଲ୍ଲା ଯୁବମୋର୍ଚ୍ଚା ଉପସଭାପତି ନାରାୟଣ ମହନ୍ତ, ଖାନନଗର ପଞ୍ଚାୟତ ସଭାପତି ସନ୍ୟାସୀ ମହାନ୍ତି, ସୁଭ୍ରଜିତ୍ ମଲ୍ଲିକ, ନାରୀ ନେତ୍ରୀ ରବିତା ଦାସ ପ୍ରମୁଖ ଉପସ୍ଥିତ ଥିଲେ।