ବାଲେଶ୍ୱର ସଦର ନିର୍ବାଚନମଣ୍ଡଳୀର ବିଭିନ୍ନ ପଂଚାୟତରେ ବିଜେପି ପକ୍ଷରୁ ଅନୁଷ୍ଠିତ ହେଲା ‘ତିରଙ୍ଗା ଯାତ୍ରା’,

ପବିତ୍ର ସ୍ୱାଧୀନତା ଦିବସ ପାଳନ ଉପଲକ୍ଷେ ବାଲେଶ୍ୱର ସଦର ନିର୍ବାଚନମଣ୍ଡଳୀ ଅନ୍ତର୍ଗତ ବିଭିନ୍ନ ପଂଚାୟତରେ ବିଜେପି ପକ୍ଷରୁ ‘ତିରଙ୍ଗା ଯାତ୍ରା’ ଅନୁଷ୍ଠିତ ହୋଇଯାଇଛି । ପ୍ରଥମେ ବୁଢ଼ାବଳଙ୍ଗ ମଣ୍ଡଳ ପକ୍ଷରୁ ଆୟୋଜିତ ଯାତ୍ରା ବଇଁଚା ବାତ୍ୟାଶ୍ରୟ ଠାରୁ ଆରମ୍ଭ ହୋଇ ନିଧିପଣ୍ଡା, ବୁଆଁଳ, ନୁଆପୁର, ସିନ୍ଧିଆ ପ୍ରଭୃତି ଅଞ୍ଚଳ ଦେଇ ଗୁଜୁରୀ ବଜାରରେ ସମାପ୍ତ ହୋଇଥିଲା। ସେହିପରି ଚାନ୍ଦିପୁର ମଣ୍ଡଳ ପକ୍ଷରୁ ପାତ୍ରପଡ଼ା ଠାରୁ ଆରମ୍ଭ ହୋଇଥିବା ତ୍ରିରଙ୍ଗା ଯାତ୍ରା ଗବଗାଁ, ନୂଆନଈ, ଝାମ୍ପୁରା ହାଟ ଦେଇ ବଳରାମଗଡି ଯାଏ ଯାଇଥିଲା। ଦିନର ଶେଷ ତ୍ରିରଙ୍ଗା ଯାତ୍ରା ରୂପସା ମଣ୍ଡଳ ପକ୍ଷରୁ ଅଂଚଳରେ ଆୟୋଜିତ ହୋଇଥିଲା ଆୟୋଜିତ ହୋଇଥିଲା । ଏହି ଯାତ୍ରା ରୂପସା କଲେଜ ଠାରୁ ଆରମ୍ଭ ହୋଇ ଷ୍ଟେସନ ଠାରେ ସରିଥିଲା। ତିନୋଟି ତ୍ରିରଙ୍ଗା ଯାତ୍ରାରେ ସଦର ବିଧାୟକ ମାନସ କୁମାର ଦତ୍ତ ଯୋଗଦେଇ ଦେଶର ଯଶଶ୍ୱୀ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ଆହ୍ୱାନ କ୍ରମେ ପାଳିତ ହେଉଥିବା ତ୍ରିରଙ୍ଗାଯାତ୍ରା ସହିତ ହର ଘର ତ୍ରିରଙ୍ଗା ଅଭିଯାନର ମହତ୍ୱ ସମ୍ପର୍କରେ ଆଲୋଚନା କରିଥିଲେ ।

ଚଳିତ ବର୍ଷର ତ୍ରିରଙ୍ଗା ଯାତ୍ରା, ଅନ୍ୟ ବର୍ଷ ତୁଳନାରେ ଅଧିକ ଗୁରୁତ୍ୱପୂର୍ଣ୍ଣ । ପ୍ରଧାନମନ୍ତ୍ରୀ ମୋଦିଙ୍କ ଦୃଢ଼ ଇଚ୍ଛାଶକ୍ତି ଏବଂ ନିର୍ଣ୍ଣାୟକ ନେତୃତ୍ୱ, ସେନାର ବୀରତ୍ୱ ଏବଂ ଦେଶବାସୀଙ୍କ ଏକତାର ସଂକଳ୍ପ ସହିତ, ‘ଅପରେସନ ସିନ୍ଦୁର’ ସମ୍ପୂର୍ଣ୍ଣ ସଫଳ ହୋଇଛି । ଏକ ନୂତନ ସମୃଦ୍ଧ, ଶକ୍ତିଶାଳୀ ଏବଂ ସ୍ୱାବଲମ୍ବୀ ଭାରତ ଗଠନ ପାଇଁ ପ୍ରଧାନମନ୍ତ୍ରୀ ମୋଦିଙ୍କ ନେତୃତ୍ୱକୁ ନେଇ ଦେଶବାସୀ ଆଜି ଗର୍ବିତ ବୋଲି ଶ୍ରୀ ଦତ୍ତ କହିଥିଲେ । ମୋଦିଙ୍କ ଆହ୍ଵାନରେ ‘ହର ଘର ତିରଙ୍ଗା’ ଅଭିଯାନ ଆଜି ଦେଶରେ ସର୍ବବ୍ୟାପୀ ହୋଇପାରିଛି। ତ୍ରିରଙ୍ଗାକୁ ନେଇ ଆନନ୍ଦ ଓ ଉତ୍ସାହରେ ସମସ୍ତ ଦେଶବାସୀ ରାଷ୍ଟ୍ର ପ୍ରେମରେ ଯୋଡି ହୋଇଯାଇଛନ୍ତି ବୋଲି ବିଧାୟକ ଶ୍ରୀ ଦତ୍ତ ଏହି ଅବସରରେ କହିଥିଲେ । ତେବେ ଦେଶର ୭୯ତମ ସ୍ୱାଧୀନତା ଦିବସକୁ ଅଧିକ ଆକର୍ଷଣୀୟ ଭାବେ ପାଳନ ପାଇଁ ପ୍ରତ୍ୟେକ ଘରେ ତ୍ରିରଙ୍ଗା ପତାକା ଉତୋଳନ କରିବାକୁ ସେ ଆହ୍ୱାନ ଦେଇଥିଲେ । ସମସ୍ତ କାର୍ଯ୍ୟକ୍ରମରେ ରାଷ୍ଟ୍ରପ୍ରେମୀ ଜନତା ୩୦୦ ଫୁଟର ବିଶାଳା ତ୍ରିରଙ୍ଗା ପତାକା ଧରି ଏହି ଶୋଭାଯାତ୍ରାରେ ସାମିଲ ହୋଇଥିଲେ । ବରିଷ୍ଠ ନେତା ରବିନାରାୟଣ ମହାପାତ୍ର, ଗୌରାଙ୍ଗ ଦାସ, ପର୍ଶୁରାମ ବେହେରା, ହରେନ୍ଦ୍ର ପ୍ରଧାନ, ଅନନ୍ତ ନାୟକ, ଗୟାଧର ବେହେରା, ରବିନାରାୟଣ ପ୍ରଧାନ, ମାୟାଧର ମହାଳିକ, ବିନିତା ଭୂୟାଁ, କାହ୍ନୁ ମହାଳିକ, ଶଶିକାନ୍ତ ମିଶ୍ର, ବିକାଶ ମାଇତି, ସର୍ବେଶ୍ୱର ମହାନ୍ତି, ଶ୍ରୀନିବାସ ମହାଳିକ, କାର୍ତ୍ତୀକ ରାଉତ, ପିଣ୍ଟୁ ନାୟକ, ଅନ୍ତର୍ଯ୍ୟାମୀ ବେହେରା, ଅଜୟ ନାୟକ, ଅଜୟ ବିଶ୍ୱାଳ, ପ୍ରତାପ ଦାସ, ମନ୍ମୟ ଦାସ ପ୍ରମୁଖ ସମସ୍ତ କାର୍ଯ୍ୟ ପରିଚାଳନାରେ ସକ୍ରିୟ ସହଯୋଗ କରିଥିଲେ