ବାରବାଟୀ ବ୍ୟାଟେଲ ପାଇଁ ଭୁବନେଶ୍ବରରେ ପହଞ୍ଚିଲେ ଭାରତ ଓ ଦକ୍ଷିଣ ଆଫ୍ରିକା ଖେଳାଳି
ଭୁବନେଶ୍ୱର : ବାରବାଟୀ ବ୍ୟାଟେଲ ପାଇଁ ଭୁବନେଶ୍ବରରେ ପହଞ୍ଚିଲେ ଭାରତ ଓ ଦକ୍ଷିଣ ଆଫ୍ରିକା ଖେଳାଳି । ସ୍ବତନ୍ତ୍ର ଫ୍ଲାଇଟରେ ଆସି ଭୁବନେଶ୍ବର ବିମାନବନ୍ଦରରେ ପହଞ୍ଚିବା ପରେ କଡ଼ା ସୁରକ୍ଷା ବଳୟରେ ହୋଟେଲକୁ ଯାଇଥିଲେ । ହୋଟେଲ ପରିସରରେ ଉଭୟ ଟିମର ଖେଳାଳିଙ୍କୁ ଭବ୍ୟ ସ୍ବାଗତ କରାଯାଇଛି । ଆସନ୍ତା ଡିସେମ୍ବର ୯ ତାରିଖରେ ପ୍ରଥମ ଟି ଟ୍ବେଣ୍ଟି ଲଢ଼େଇ । ଭାରତ-ଦକ୍ଷିଣ ଆଫ୍ରିକା ମଧ୍ୟରେ ୫ଟି ଟି ଟ୍ବେଣ୍ଟି ଖେଳାଯିବ । ସୂର୍ଯ୍ୟ କୁମାର ଯାଦବଙ୍କ ନେତୃତ୍ବରେ ପଡ଼ିଆକୁ ଓହ୍ଲାଇବେ ଭାରତୀୟ ଦଳ । ଦୁଇ ଦିନ ପରେ ବାରବାଟୀ ଟକ୍କର ।
ଗତକାଲି ଠାରୁ ହାର୍ଦ୍ଦିକ ପାଣ୍ଡ୍ୟା ପହଞ୍ଚି ସାରିଛନ୍ତି । ଦୁଇ ଟିମର ସମସ୍ତ ଖେଳାଳି ପହଞ୍ଚିଛନ୍ତି । ଖେଳାଳିଙ୍କୁ ପାରମ୍ପରୀକ ରୀତିରେ ସ୍ବାଗତ କରାଯାଇଛି । ହୋଟେଲ ମେ ଫେୟାରରେ ବ୍ୟାପକ ବ୍ୟବସ୍ଥା କରାଯାଇଛି । ତ୍ରିସ୍ତରୀୟ ସୁରକ୍ଷା ବଳୟରେ ରହିଛି ହୋଟେଲ ମେ ଫେୟାର ।