ଓଡ଼ିଶାର ସାହିତ୍ୟ ଇତିହାସରେ ଖୋର୍ଦ୍ଧାର ନାଁ ସ୍ୱର୍ଣାକ୍ଷରରେ ଲିପିବଦ୍ଧ । ଯେଉଁ ମାଟି ପାଇକ ବିଦ୍ରୋହର ହୁଙ୍କାର ଦେଇଥିଲା, ସେହି ମାଟି ପୁଣି ସାହିତ୍ୟ, ସଂସ୍କୃତିର ସ୍ୱର ହୋଇଛି। ଏହି ସ୍ୱରର ଏକ ଅନନ୍ୟ ପ୍ରତିଧ୍ୱନି ହେଉଛି “ମାସିକ ପତ୍ରିକା “ମାର୍ଗଦର୍ଶୀ””। ଖୋର୍ଦ୍ଧାରୁ ଏହା 2010 ମସିହାରୁ ପ୍ରକାଶିତ ହୋଇ ଆସୁଛି ଏହି ପତ୍ରିକା, ଆଜି କେବଳ ଏକ ପତ୍ରିକା ନୁହେଁ, ଏହା ଏକ ଆନ୍ଦୋଳନ, ଏକ ବିଶ୍ୱାସ।
ଏହି ପତ୍ରିକାର ପ୍ରାଣ ପ୍ରତିଷ୍ଠାତା ତଥା ସମ୍ପାଦକ ହେଉଛନ୍ତି “ଶ୍ରୀ ଉମା ଶଙ୍କର ପ୍ରସାଦ” । ଜଣେ ନିଷ୍ଠାପର ସାମ୍ବାଦିକ, ଜଣେ ସାହିତ୍ୟ ସାଧକ। ଯେଉଁ ସମୟରେ ବଡ଼ ବଡ଼ ଖବର କାଗଜ ବଜାର ଦଖଲ କରି ଛୋଟ ପତ୍ରିକାର ସ୍ୱରକୁ ଚାପି ଦେଉଛନ୍ତି, ସେହି ସମୟରେ ଉମା ବାବୁ ଦୀର୍ଘ ବର୍ଷ ଧରି ନିରବଚ୍ଛିନ୍ନ ଭାବେ “ମାର୍ଗଦର୍ଶୀ”କୁ ଚଳାଇ ରଖିଛନ୍ତି। ଏହା ତାଙ୍କର ସାହିତ୍ୟ ପ୍ରତି ଅହେତୁକ ପ୍ରେମର ପ୍ରମାଣ।
ମାର୍ଗଦର୍ଶୀ କାହିଁକି ନିଆରା?
୧. ନବୀନଯୁବକ ମାନଙ୍କୁ ମଞ୍ଚ ପ୍ରଦାନ କରିଥାଏ ମାର୍ଗଦର୍ଶୀ। ବଡ଼ ପତ୍ରିକାରେ ନୂଆ ଲେଖକଙ୍କୁ ସୁଯୋଗ ମିଳେ ନାହିଁ। କିନ୍ତୁ ମାର୍ଗଦର୍ଶୀର ପ୍ରତି ପୃଷ୍ଠାରେ ନୂଆ ପିଢ଼ିର କବି, ଗାଳ୍ପିକଙ୍କ ଲେଖା ସ୍ଥାନ ପାଏ। ଅନେକ ପ୍ରତିଷ୍ଠିତ ଲେଖକଙ୍କ ପ୍ରଥମ ଲେଖା ମାର୍ଗଦର୍ଶୀରେ ହିଁ ପ୍ରକାଶ ପାଇଛି।
୨. ଖୋର୍ଦ୍ଧାର ସ୍ୱର:– ଏହା ଖୋର୍ଦ୍ଧାର ଇତିହାସ, ଐତିହ୍ୟ, ପାଇକ ଗାଥା, ବରୁଣେଇ, ଅଟ୍ରି ମହୋତ୍ସବର କଥା କୁହେ। ସ୍ଥାନୀୟ ସମସ୍ୟାକୁ ରାଜ୍ୟ ସ୍ତରରେ ପହଞ୍ଚାଏ।
୩. ଏହାର ବିଷୟ ବୈଚିତ୍ର୍ୟକୁ ବିଚାର କଲେ ଏଥିରେ ଗପ, କବିତା, ପ୍ରବନ୍ଧ, ସମାଲୋଚନା, ଜ୍ୟୋତିଷ, ସ୍ୱାସ୍ଥ୍ୟ, ଚାଷ, ଛାତ୍ରଙ୍କ ପାଇଁ ମାର୍ଗଦର୍ଶନ – ସବୁ କିଛିର ସମାହାର ହୋଇଥାଏ ଗୋଟିଏ ପତ୍ରିକାରେ। ସତରେ ଏହା ‘ଯଥା ନାମେ ତଥା ଗୁଣେ’, ନିଜ ନାଁ ଭଳି ସମାଜ କୁ ମାର୍ଗ ଦେଖାଏ ଚାଲିଛି।
(ସମ୍ପାଦକ ଉମା ଶଙ୍କର ପ୍ରସାଦ – ଏକ ନିରବ ଯୋଦ୍ଧା)
ଉମା ବାବୁଙ୍କୁ ଦେଖିଲେ ଜଣାପଡେ ସାମ୍ବାଦିକତା କେବଳ ବୃତ୍ତି ନୁହେଁ, ବ୍ରତ। ନିଜ ସୀମିତ ସମ୍ବଳ ଭିତରେ, ବିନା କୌଣସି ବଡ଼ ବିଜ୍ଞାପନ, ବିନା ସରକାରୀ ସହାୟତାରେ ପତ୍ରିକାଟିଏ ପ୍ରତି ମାସ ପାଠକଙ୍କ ହାତରେ ପହଞ୍ଚାଇବା କେତେ କଷ୍ଟକର, ତାହା କେବଳ ସେ ହିଁ ଜାଣନ୍ତି। ତଥାପି ସେ ହାରି ନାହାନ୍ତି। ଖୋର୍ଦ୍ଧା ପରି ସହରରୁ ଏପରି ଏକ ମାନସମ୍ମତ ପତ୍ରିକା ବାହାର କରିବା ପାଇଁ ସେ ସାଧୁବାଦର ପାତ୍ର। ଆଜିର ଡିଜିଟାଲ ଯୁଗରେ ଯେତେବେଳେ ସବୁ ମୋବାଇଲରେ ହଜି ଯାଉଛି, ସେତେବେଳେ “ମାର୍ଗଦର୍ଶୀ” ପରି ଛାପା ପତ୍ରିକା ଆମ ହାତରେ କାଗଜର ବାସ୍ନା, ଶବ୍ଦର ସ୍ପର୍ଶ ଦେଉଛି।
ଶେଷରେ ଏତିକି କହିବି
ମାର୍ଗଦର୍ଶୀ ଦୀର୍ଘଜୀବୀ ହେଉ। ଉମା ଶଙ୍କର ପ୍ରସାଦଙ୍କ ଲେଖନୀ ଆହୁରି ଶାଣିତ ହେଉ। ଖୋର୍ଦ୍ଧାର ଏହି ସାହିତ୍ୟ ଦୀପ ସାରା ଓଡ଼ିଶାକୁ ଆଲୋକିତ କରୁ – ଏହାହିଁ ଜଣେ ପାଠକ ହିସାବରେ ଆମର କାମନା।
ମାର୍ଗଦର୍ଶୀ ପତ୍ରିକା ପାଇଁ ଆପଣମାନଙ୍କର ସାହାଯ୍ୟ ଓ ଆଶୀର୍ବାଦ ଏକାନ୍ତ କାମ୍ୟ, ଗ୍ରାହକ ହୁଅନ୍ତୁ, ଓଡ଼ିଆ ସାହିତ୍ୟକୁ ବଞ୍ଚାଇ ରଖନ୍ତୁ।
ମେଜର କ୍ଷୀରୋଦ ପ୍ରସାଦ ମହାନ୍ତି
ପ୍ରାକ୍ତନ କୁଳପତି ଉତ୍ତର ଓଡିଶା
ଖୋର୍ଦ୍ଧା
About the Author
