ଆଳୁମେଦା ଗ୍ରାମ ପଂଚାୟତରେ ବିଭିନ୍ନ ଉନ୍ନତିମୂଳକ ପ୍ରକଳ୍ପର ଶିଳାନ୍ୟାସ କଲେ ସଦର ବିଧାୟକ ମାନସ କୁମାର ଦତ୍ତ

ବାଲେଶ୍ୱର ସଦର ନିର୍ବାଚନମଣ୍ଡଳୀ ଅନ୍ତର୍ଗତ ଆଳୁମେଦା ପଂଚାୟତରେ ଏକାଧିକ ଜନକଲ୍ୟାଣକାରୀ ପ୍ରକଳ୍ପର ଶିଳାନ୍ୟାସ ମାଧ୍ୟମରେ ଜନସାଧାରଣଙ୍କ ପାଇଁ ବିକାଶର ନୂତନ ପଥ ପ୍ରଦର୍ଶନ କରିଛନ୍ତି ବିଧାୟକ ମାନସ କୁମାର ଦତ୍ତ ।

ଏହି ପରିପ୍ରେକ୍ଷୀରେ ବାଲେଶ୍ୱର ସଦର ପଂଚାୟତ ସମିତି ପକ୍ଷରୁ ମୁଖମନ୍ତ୍ରୀ ସ୍ୱତନ୍ତ୍ର ସହାୟତା ଯୋଜନାରେ ଆଳୁମେଦା ପଂଚାୟତର ଜୁଆରୀ ଗ୍ରାମ ଅନ୍ତର୍ଗତ ୫ନଂ ୱାର୍ଡରେ ୨ଲକ୍ଷ ୫୦ହଜାର ଟଙ୍କା ଖର୍ଚ୍ଚ ଅଟକଳରେ ବାସୁଳୀ ମାତା କମ୍ୟୁନିଟି ସେଂଟର ନିର୍ମାଣ, ୬ନଂ ୱାର୍ଡରେ ୨ଲକ୍ଷ ୫୦ହଜାର ଟଙ୍କା ଖର୍ଚ୍ଚ ଅଟକଳରେ ଶ୍ରୀ ଗଣେଶ କମ୍ୟୁନିଟି ସେଂଟର ନିର୍ମାଣ,

ଦାନା ଯୋଜନା ଅନ୍ତର୍ଗତ ଏକ ଲକ୍ଷ ୨୬ହଜାର ଟଙ୍କା ଲେଖାଏଁ ଖର୍ଚ୍ଚ ଅଟକଳରେ ଜୁଆରୀ ଗ୍ରାମର ରେବତୀ ବାରିକ ଘର ଠାରୁ ବାରିକ ଚକ ପର୍ଯ୍ୟନ୍ତ ପକ୍କା ରାସ୍ତା, ଜୁଆରୀ ଆରଡି ରାସ୍ତା ଠାରୁ ବାସୁଳି ଛକ ପର୍ଯ୍ୟନ୍ତ ପକ୍କା ରାସ୍ତା ଓ ଆଳୁମେଦା ଗ୍ରାମର ଗଙ୍ଗାମଣୀ ମାଝୀଙ୍କ ଘର ଠାରୁ ଶୁକଦେବ ମଣ୍ଡଳଙ୍କ ଘର ପର୍ଯ୍ୟନ୍ତ ପକ୍କା ରାସ୍ତା, କାଳବୁଧି ଗ୍ରାମର ସନାତନ ବେହେରାଙ୍କ ଘର ଠାରୁ ଦୁଃଶାସନଙ୍କ ଘର ପର୍ଯ୍ୟନ୍ତ ପକ୍କା ରାସ୍ତା,

ଜୁଆରୀ ଗ୍ରାମର ଏସକେଆର ହାଇସ୍କୁଲ ଠାରୁ ଶାନ୍ତନୁ ପଟ୍ଟାୟତଙ୍କ ଘର ପର୍ଯ୍ୟନ୍ତ ପକ୍କା ରାସ୍ତା ନିର୍ମାଣ ଓ ଜୁଆରୀ ଆଦିବାସୀ ସାହି ଠାରୁ ଖାଣ୍ଡିଆ ପଦା ପର୍ଯ୍ୟନ୍ତ ରାସ୍ତା ମରାମତି ଓ ପୁନରୁଦ୍ଧାର, ବିଧାୟକଙ୍କ ହାତ ପାଣ୍ଠିରୁ ଏକ ଲକ୍ଷ ଟଙ୍କା ଖର୍ଚ୍ଚ ଅଟକଳରେ ଜୁଆରୀ ଘାଟ କମ୍ୟୁନିଟି ସେଂଟର ପୂର୍ଣ୍ଣାଙ୍ଗୀକରଣ, ସ୍ୱତନ୍ତ୍ର ଯୋଜନା ଅନୁଦାନ ଅନ୍ତର୍ଗତ ୪ଲକ୍ଷ ଟଙ୍କା ଖର୍ଚ୍ଚ ଅଟକଳରେ ଆଳୁମେଦା କାଂଚେଶ୍ୱର ମହାଦେବଙ୍କ ମନ୍ଦିରର ମଣ୍ଡପ ନିର୍ମାଣ, ରାଜ୍ୟ ସରକାରଙ୍କ ବିକଶିତ ଗାଁ ବିକଶିତ ଓଡିଶା ଯୋଜନା ଅନ୍ତର୍ଗତ ୩ଲକ୍ଷ ଟଙ୍କା ଓ ମହାତ୍ମାଗାନ୍ଧୀ ନିଶ୍ଚିତ କର୍ମ ନିଯୁକ୍ତି ଯୋଜନା ଅନ୍ତର୍ଗତ ଏକ ଲକ୍ଷ ଟଙ୍କା ଖର୍ଚ୍ଚ ଅଟକଳରେ ଆଳୁମେଦା ଫୁଟବ୍ରିଜ୍ ଠାରୁ ଗୁଜିପାହି ପଦା ପର୍ଯ୍ୟନ୍ତ କଂକ୍ରିଟ ରାସ୍ତା ନିର୍ମାଣ, ବିକଶିତ ଗାଁ ବିକଶିତ ଓଡିଶା ଯୋଜନା ଅନ୍ତର୍ଗତ ୪ଲକ୍ଷ ୪୪ହଜାର ଟଙ୍କା ଖର୍ଚ୍ଚ ଅଟକଳରେ କାଳବୁଧି ଗ୍ରାମର ସାର୍ଥା କଷାଫଳ ରିଜିଓନାଲ ହାଇସ୍କୁଲର ଶ୍ରେଣୀଗୃହ ନିର୍ମାଣ ପ୍ରଭୃତି ପ୍ରକଳ୍ପ ପାଇଁ ବିଧାୟକ ଶ୍ରୀ ଦତ୍ତ ଶିଳାନ୍ୟାସ କରିଛନ୍ତି । ରାଜ୍ୟର ଲୋକପ୍ରିୟ ତଥା ଲୋକଙ୍କ ସରକାର ଲୋକଙ୍କ ହିତ ପାଇଁ ସର୍ବଦା ପ୍ରୟାସରତ ଅଛନ୍ତି ବୋଲି ସେ ଏହି ଅବସରରେ ମତ ଦେଇଛନ୍ତି । ଉତ୍ତମ ଗୁଣବତ୍ତା ଓ ସଠିକ୍ ମାନଦଣ୍ଡରେ ସମସ୍ତ ପ୍ରକଳ୍ପର ନିର୍ମାଣ କାର୍ଯ୍ୟ ଧାର୍ଯ୍ୟ ସମୟସୀମା ମଧ୍ୟରେ ସାରିବାକୁ ବିଧାୟକ ଶ୍ରୀ ଦତ୍ତ ବିଭାଗୀୟ ଅଧିକାରୀଙ୍କୁ ପରାମର୍ଶ ଦେଇଛନ୍ତି । ଅନ୍ୟମାନଙ୍କ ମଧ୍ୟରେ ଲୋକନାଥ ଭୂୟାଁ, କାହ୍ନୁ ଚରଣ ପ୍ରଧାନ, ସଞ୍ଜୟ କୁମାର ମଣ୍ଡଳ, ନିତ୍ୟାନନ୍ଦ ମଲ୍ଲିକ, କିଶୋର ବେହେରା, ଗୌରହରି ଜେନା, କମଳାକାନ୍ତ ଜେନା , ଦୀପକ ବେହେରା, ଭଗିରଥ ପରିଡ଼ା , ମାଳତୀ ମାଝୀ, ଚନ୍ଦ୍ରକାନ୍ତ ବେହେରା, କାର୍ତ୍ତିକ ମଲ୍ଲିକ , ସନାତନ ଦିନ୍ଦା ଶିଳାନ୍ୟାସ କାର୍ଯ୍ୟକ୍ରମରେ ଉପସ୍ଥିତ ଥିଲେ । କସିପଦା ପଂଚାୟତରେ ବିଭିନ୍ନ ବିକାଶମୂଳକ କାର୍ଯ୍ୟ ଆରମ୍ଭ ହେବାକୁ ଯାଉଥିବାରୁ ସ୍ଥାନୀୟ ଅଂଚଳବାସୀ ବେଶ ସନ୍ତୋଷ ବ୍ୟକ୍ତ କରିଛନ୍ତି । ସେମାନଙ୍କ ଦୀର୍ଘ ଦିନର ଆଶା ପୂରଣ ହେବ ବୋଲି ଲୋକେ ଆଶା ପ୍ରକାଶ କରିଛନ୍ତି । ନିର୍ବାଚନ ସମୟର ପ୍ରତିଶୃତି ରକ୍ଷା କରିବାକୁ ବିଧାୟକ ମାନସ ଦତ୍ତଙ୍କ ପଦକ୍ଷେପକୁ ଲୋକେ ଭୂୟସୀ ପ୍ରଶଂସା କରିଛନ୍ତି ।